Сүрүн балаһыанньаттан көрдөххө, тэрээһиҥҥэ кыттыан баҕалаахтар сайабылыанньаны суруйан туттарарга докумуоннары (пааспар, аттестат) уонна 3×4 хаартысканы биэрэллэрэ ирдэнэр .
Докумуоннары тутуу таһынан, кыһалар исписэлиистэрэ идэлэрин чопчу тала иликтэргэ консультация, маастар-кылаас ыытыахтара, үөрэх кыһаларын матырыйаалынай-тиэхиньиичэскэй баазаларын билиһиннэриэхтэрэ. Тэрээһин былырыын эмиэ ыыттыллан, туттарааччылар сэҥээрилээрин ылан, быйыл иккис сылын ыытыллар.
Быйыл өрөспүүбүлүкэ үрдүнэн орто үөрэххэ 54 кыһа докумуоннары тутар, ол иһигэр 50 орто анал үөрэх уонна 4 үрдүк үөрэх кыһалара бааллар. Барыта холбоон 6864 бүддьүөттэн үбүлэнэр миэстэ тыырыллыбыт.
Кэллиэстэргэ 19 саҥа идэ хайысхата киирбит. Ол курдук, Аартыкатааҕы хотугу норуоттар кэллиэстэригэр сүөһүнү иитэр исписэлиистэри бэлэмниэхтэрэ. Оттон Нерюнгритааҕы мэдиссиинэ кэллиэһигэр стоматология салаата аһыллыбыт, Дьокуускайдааҕы сибээс тиэхиньикуумугар компьютернай оонньуулары оҥорор уонна оҥоһуу өйү кытта үлэлиир хайысха баар буолбут. Тутуу уонна геология хайысхатыгар информационнай мадьыаллааһын, ууга сэрэхтээх буолуу, маһы таҥастааһын курдук ураты хайысхалар киирбиттэр.
Быйыл Саха Сирин орто үөрэх кыһаларыгар абитуриеннартан 13 тыһыынчаттан тахса сайабылыанньа киирбит. Саамай үрдүк куонкурустаах “сестринское дело” идэҕэ 600 сайабылыанньаны туттарбыттар. Ону тэҥэ начаалынай кылаас учууталыгар, экэниэмикэ, оҥоһуу өй уонна автомэхээньикэ идэлэригэр элбэх киһи туттарсар эбит.
Тутар хамыыһайалар биллэрллэринэн, Кэллиэстэргэ муҥутуур үрдүк куонкурустааҕынан инники күөҥҥэ Дьокуускайдааҕы мэдиссиинэ кэллиэһэ турар – 2578. Иккискэ Педагогическай колледж, Сибээс уонна информационнай технология кэллиэһэ, салгыы Тыа хаһаайыстыбатын уонна Технологическай сиэрбис тиэхиньикуумнара сылдьаллар.
Тэрээһин туһунан билсиһэр контакт: 89142748102
Хаартыска СӨ Үөрэх уонна билим министиэристибэтин саайтыттан
-
0
-
0
-
0
-
0
-
0
-
0
