Диодоров Денис Сергеевич Уопсастыбаннай сибээскэ уонна ыччат бэлиитикэтигэр управление начаалынньыгынан ананна.
Максимов Дмитрий Иванович "Пригородная теплосетевая компания" муниципальнай унитарнай тэрилтэ (МУП) дириэктэринэн ананна.
Куорат баһылыга Дмитрий Садовников мунньах кэмигэр уокуруктар уонна нэһилиэктэр салайааччыларыгар санитарнай турук иһин эппиэтинэһи сүктэрдэ. Маннык быһаарыы өрөбүллэргэ ыытыллыбыт эриэйдэ түмүгэ буолбут.
Ордук мөлтөх санитарнай турук Автодорожнай уокурукка бэлиэтэммит уонна управа салайааччыта Василий Поскачиҥҥа биир суукка иһигэр балаһыанньаны көннөрөргө сорудах бэрилиннэ.
— Мантан ыла араспаанньаҕыт планеркаҕа үстэ ааттанна даҕаны — атын үлэни көрдөнүҥ, -диэн мэр сэрэттэ.
Ону таһынан бүгүҥҥү планеркаҕа Роспотребнадзор бэрэстэбиитэлэ иһитиннэрбитинэн, ааспыт нэдиэлэҕэ 10 киһи шаурма астан сүһүрүү ылбытын кэннэ ыытыллыбыт бэрэбиэркэ үс павильон үлэтин 90 сууккаҕа тохтоппут.
Манан сибээстээн мэр урбаан департаменыгар бу киоскалары кытта дуогабары уһаппаттарыгар сорудахтаата. Манна даҕатан №1 оскуола төрөппүттэрин аатыттан территория таһыгар «Салам-пополам» кафеҕа үҥсүү киирэрин бэлиэтээтэ итиэннэ департамент салайааччыта Ирина Седоваҕа кафе хаһаайыныгар тиэргэнин ыраастыырга дьаһайарыгар уонна атын миэстэни көрдөнөрүгэр этии киллэрэригэр сорудахтаата.
Хаартыскалар Киин куорат саайтыттан
-
30
-
0
-
0
-
2
-
0
-
1
