Бу күннэргэ куйаар ситимигэр атырдьах ыйын 22-23 күннэригэр Үөһээ Бүлүүгэ «Түгэхтэй» алаас «Алгыс» түһүлгэтигэр бу уопсастыба тэрийэр бэстибээлигэр ыҥырыы быыстала суох кэлэр. «Бу күннэр - ааспыт сылларга эргиллии, саҥа доҕордоһуу, сэргэхсийии уонна үөрүү кэмнэрэ», -диэн угуйугунан үгүс дьону «ууларын көтүтэн» эрдэҕэ. Быйыл үһүс төгүлүн ыытыллар тэрээһин, былырыыҥҥы Чурапчытааҕы бэстибээлинэн көрдөххө, өссө элбэх ыалдьыттанара, кыттааччыланара саарбаҕа суох.
Буоларын курдук, бүппэт ырыа-тойук, бириистэрдээх араас күрэх, атыы-кутуу, хас да күннээх үҥкүү-битии оройуттан тардыллар. Ол барыта «Күүтэбит» диэн доҕуһуолунан ыҥырар-угуйар.
Хаартыска Үөһээ Бүлүү улууһун МАХ-ханаалыттан
-
0
-
0
-
0
-
0
-
0
-
0
