Ону тэҥэ, бу сокуон барылыгар маннык судургу тахсар глушителлээх массыыналары атыылааһын уонна оннук тэрили оҥоруу иһин эмиэ ыстараап көрүллүбүт.
Ол курдук, бастакы сокуону кэһии иһин балайда ботуччу ыстараабы – 100 000 солк төлөттөрөргө диэн бырайыакка ыйбыттар. Хаттаан ыытыы иһин глушители 90 хонук устатыгар былдьыыры туруорсубуттар, үһүстээн кэһии иһин - 100 чаастаах күһэлэҥ үлэни толорторору уонна тырааныспары былдьааһын курдук кытаанах ыстараабы ирдээбиттэр.Бу тыаһыыр тэрили атыылыыр уонна туруорарар дьоҥҥо эмиэ туспа эппиэтинэс көрүллүбүт.
Билигин бу тыастаах тэриллэр куораттарага, сэлиэнньэлэргэ көҥүл айбардыылларын бары да тулуйа сатаан эрэйдэнэбит. Күнүстэри-түүннэри куорат хаба ортотунан салгыны хайытан, тыастаахтык айаннааччылар манна диэн эттэххэ, туох да эппиэтинэһи сүкпэттэр. Ыстарап киһи сонньуйуон иһин 500 эрэ солк – ким да ону харчынан аахпат буолан турар. Аны атыылыыр, туруорар дьоҥҥо билиҥҥитэ кодекска туох да нуорма, эппиэтинэс суоҕа эмиэ бас-баттах барааччыларга тэлгэһэ аанын тэлэччи аһан биэрбит тэҥэ буолла. Онон тыаһа суох олоҕу туруорсуунан, сокуон ирдэбилин быһыытынан киллэрдэххэ эрэ сатаныыһык.
Хаартыска эрэдээксийэ архыыбыттан
-
1
-
0
-
0
-
0
-
0
-
0
