Быйылгы сүбэ мунньах «Үөрэхтээһин муниципальнай тиһигэ: ыҥырыылартан түмүктэргэ» диэн девиһинэн ыытыллар. Саалаҕа улуус иитэр-үөрэтэр тэрилтэлэрин бастыҥ уопутун уонна инновационнай былаһааккалар үлэлэрин сырдатар быыстапкалар туруоруллубуттар. Ол иһигэр, биир былаһаакка «НамЛето – 2026» быыстапкаҕа анаммыт, манна саҥа кинигэлэр, инновационнай бырайыактар көрдөрүллүбүттэр уонна сайыҥҥы чэбдигирдэр үлэ түмүктэрэ таһаарыллыбыт. Ураты болҕомтону тиэхиньиичэскэй айар үлэ экспозицията (робототехника, ракетомоделирования уонна пилота суох көтөр аппарат), оскуолатааҕы биисинэс-инкубатордар чэрчилэринэн оҥоһуллубут бородууксуйа дьаарбаҥката, грант ылбыт бырайыактары билиһиннэрии уонна эбии үөрэхтээһин педагогтарын мастарыскыайын былаһааккалара ылла.
Ил Түмэн Бэрэссэдээтэлэ Алексей Еремеев сүбэ мунньах кыттыылаахтарын саҥа үөрэх дьылынан эҕэрдэлээтэ, иитэр-үөрэтэр эйгэ үлэһиттэрэ өрөспүүбүлүкэ сайдар тирэҕин уһаналлар диэтэ. Чуолаан педагогтар оскуола үөрэнээччилэрин талааннарын, дьоҕурдарын арыйаллар, сайыннаралларын, онон өрөспүүбүлүкэ социальнай-экэнэмиичэскэй сайдыытын быһаарар билиини хааччыйылларын тоһоҕолоон бэлиэтээтэ. Бу туһунан Ил Түмэн пресс-сулууспата суруйар.
Хаартыска: Ил Түмэн саайтыттан.
-
1
-
0
-
0
-
0
-
0
-
0
