Оттон федеральнай таһымҥа «Биир Ньыгыл Арассыыйа» 65% испииһэктээх мандааты уонна 92% биир мандааттаах уокуругу ылла. Бу 2021 с. Норуот бырыгырааматын олоххо көдьүүстээхтик киллэриини, дойду иннигэр баар соругу быһааран иһэри туоһулуур.
Баартыйа Генеральнай сэбиэтин сэкэритээрэ Владимир Якушев этэринэн, эрдэттэн толкуйдаммыт, быһаарыныылаах классическай быыбардыыр хампаанньа ааста.
Быыбар түмүгүнэн Ил Дархан, баартыйа эрэгийиэннээҕи салаатын сэкэритээрэ Айсен Николаев: “Хас биирдии киһи тус-туһунан толкуйдааҕын, көрүүлээҕин иһин Сахабыт Сирэ биир, биһиги уопсай сорукпут дойдубутун күүстээх, кыахтаах оҥорон, кэнэҕэс көлүөнэҕэ чаҕылхай инникини хаалларыахтаахпыт”, — диэн бэлиэтээтэ.
«Өрөспүүбүлүкэҕэ «Биир Ньыгыл Арассыыйа» кыайарыгар Өлүөхүмэ улууһун олохтоохторо дьоһун кылааты киллэрдилэр. Кинилэр баартыйаны уонна Петр Шамаевы өйөөтүлэр. 2021 с. кытта тэҥнээтэххэ, баартыйа көрдөрүүтүн 11% тупсарда. Онон «Биир Ньыгыл Арассыыйаҕа» өлүөхүмэлэр 42% куолаһы биэрдилэр. Биир мандааттаах уокурукка баартыйа хандьыдаата 35,9% ылла, 2021 с. көрдөрүү 15% тубуста.
Онон өҥ буордаах Өлүөхүмэ улууһун олохтоохторун баартыйаҕа итэҕэллэрин иһин махтанабын. Бары бииргэ иннибит диэки эрэллээхтик хардыылыбыт!», — диэн Өлүөхүмэ быыбардыыр уокуругуттан норуот дьокутаата, Ил Түмэҥҥэ «Биир Ньыгыл Арассыыйа» бэлитиичэскэй баартыйа фракциятын салайааччыта, «Сахатранснефтегаз» АУо генеральнай дириэктэрэ Алексей Колодезников социальнай ситимигэр таһаарда.
Хаартыска: Алексей Колодезников социальнай ситимиттэн.
-
0
-
0
-
0
-
0
-
0
-
0
