Быйыл быһа биэриигэ аан бастаан «Айта» сыыппара көмөлөһөөччүтэ нэһилиэнньэттэн ыйытыктары хомуйарга көмөлөһөр. Кини этэринэн, биэрии саҕаланыытыгар куораттан уонна улуустартан 700 тахса ыйытык киирбит, дьон суол-иис тутуутун, хаарбах дьиэттэн көһүү, ОДьКХ үлэтин, социальнай көмө туһунан ыйыталаһаллар.
Биир бастакынан дьон уматык атыытын хааччахтааһын хаһан быһаарылларын туһунан ыйыттылар. Айсен Николаев кыайыыны ситистэхпитинэ биирдэ бу кыһалҕа быһаарыллыан сөбүн эттэ.
«Бу куһаҕан логистикаттан, уматыгы тиэйииттэн тутулуга суох. ВСУ ньиэби переработкалыыр собуоттарын дэлби тэптэрэн, кириисис салҕанар. Үлэһиттэр бэрт кылгас болдьох иһигэр собуоту чөлүгэр түһэрэллэр эрээри, өстөөх тохтоло суох ытыалыыр. Ол долгуна уматыкка охсор. Александр Новак салалталаах федеральнай ыстаап улахан үлэни ыытар, эрэгийиэннэргэ кубуота олохтууллар», — диэн быһаарда Ил Дархан.
Бэриллибит кубуотаҕа олоҕуран, Аартыка улуустарыгар таһаҕаһы толору тиэйбиттэр. Кини дойду үрдүнэн быһыы-майгы уустугун, ону өйдүүр наадалааҕын этэн туран, уматык саҥа баартыйата кэллэҕинэ сыана үрдүүрүн сэрэттэ. Уматыгы үрдэтиллибит сыананан атыылаһаллар, ол иһин.
Ааптар хаартыскаҕа түһэриитэ.
-
0
-
0
-
0
-
1
-
0
-
0
