СӨ Инновацияҕа, сыыппара сайдыытыгар уона инфокоммуникационнай технологияҕа миниистир Петр Николаев сыыппараҕа көһүү эрэгийиэннээҕи бырагырааматын чэрчитинэн ыытыллар риэйтин туһунан билиһиннэрдэ. Ити хайысханан Саха Сирэ 19 миэстэни ылар, инникитин 10 бастыҥнар ахсааннарыгар киирэргэ үлэлэһэллэр. Билиҥҥи туругунан, 26 көрдөрүүнү толорбуттар, 2-тэ туолбатах, 17-тэ кутталлаах диэн ааҕыллыбыт. Чэпчэтиилээх айти-ипэтиэкэ туолбакка турар эбит, манна үбүлээһин көрүллүөн наада, харчыны хантан ылыахха сөбө билиҥҥитэ быһаарылла илик.
Судаарыстыбаннай өҥөҕө алта Макс робот үлэлиир, нэһилиэнньэ судаарыстыбаннай өҥө порталынан туһанарын 4,5 баалынан сыаналаабыт. Макс мессенджери дойду Бэрэсидьиэнин дьаһалтата хонтуруоллуур, өрөспүүбүлүкэ олохтоохторун 42% онон туһаналлар. Электроннай мэдиссиинэ лиистэрин Макска киллэриэхтээхтэр. Өҥөнөн туһанарга, дьон сааһын чуолкайдыырга “госкан” диэни туттуохтара.
Информационнай эйгэҕэ куттала суох буолууну хааччыйарга миниистир хаалан иһии суоҕун бэлиэтээтэ. Ону таһынан, Почта салааларын дьиэлэрин саҥардыахтаахтар. Сыыппара бырайыактарыгар өрөспүүбүлүкэ араас хайысханан 26 сайаапканы ыыппыт.
Ааптар хаартыскаҕа түһэриитэ.
Ол туһунан сиһилии "Ил Түмэн" хаһыат кэлэр нүөмэригэр ааҕыҥ.
-
1
-
0
-
0
-
0
-
0
-
0
