Оробуочай көрсүһүүгэ миниистири солбуйааччы Георгий Гаврильев, сүөһүнү иитии департаменын салайааччы Василий Бессонов уонна Ньурба улууһун бэрэстэбиитэллэрэ кытыннылар. Болҕомто киинигэр «Ньурбатааҕы көтөр баабырыката» АУо үлэтин-хамнаһын туруга, салгыы сайдар стратегията турда.
Быйылгы сыл уон ыйын түмүгүнэн, хаһаайыстыба 9 870 000 устуука сымыыты ылан, сымыыкка сыллааҕы былаанын 101,5 % толорбут. Кэлэр 2027 сылга үлэ көдьүүһүн үрдэтии, ороскуоту аччатыы үлэт салҕанар. Хаһаайыстыба кууруссаларын солбуһуннаран, Дьокуускайдааҕы көтөрү иитэр баабырыкаттан эдэр кууруссалары аҕалыахтаах. Ити үлэ олунньуга былааннанарын туһунан Тыа хаһаайыстыбатын уонна ас-үөл бэлиитикэтин министиэристибэтин пресс-киинэ иһитиннэрэр.
Хаартыска: Анна Стручкова.
-
1
-
0
-
0
-
0
-
0
-
0
