Ааспыт сылы кытары тэҥнээтэххэ, көтөрү иитиигэ идэтийэн үлэлиир хаһаайыстыбалар га сымыыты ылыы көрдөрүүтэ улаатта. Сыл саҕаланыаҕыттан кинилэр 109,3 мөлүйүөн устуука сымыыты, 93,9 тыһыынча кууруссаны, ол иһигэр нэһилиэнньэҕэ 43,1 тыһыынча кууруссаны батардылар. Түргэнник ситэр салаа быһыытынан хотугу улуустарга 4 699 кууруссаны, 134,3 туонна комбикуорманы хааччыйдылар.
«Дьокуускайдааҕы көтөр баабырыката» аахсыйалаах уопсастыба өрөспүүбүлүкэ нэһилиэнньэтин сымыыкка наадыйыытын 60 % хааччыйар. 2019 сылтан эбийиэктэри аныгы технологиянан сэбилиир үлэ саҕаланыаҕыттан, сымыыты ылыы көрдөрүүтэ 1,7 төгүл улаатта. Быйылгы сыл тоҕус ыйын түмүгүнэн, 80 мөлүйүөн сымыыт ылылынна. Баабырыкаҕа сымыыттыыр куурусса алта сыаҕынан, ыччат куурусса үс сыаҕынан тураллар, ону таһынан инкубация сыаҕа, комбикуорум, бурдугу мэлийэр, сымыыты суортуур, көтөр этин астыыр сыахтар бааллар.
Мииринэй улууһугар «Новай» сопхуоска баар көтөр пиэрмэтэ 2025 сыллаахха 17,85 мөлүйүөн сымыыты ылбыта, 2024 с. тэҥнээтэххэ, ити 7,8 %-ынан элбэх. Бу сыл саҕаланыаҕыттан 11,4 мөлүйүөн устуука сымыыты ылла.
Ил Дархан Айсен Николаев ас-үөл өттүнэн куттал суох буолуутун хааччыйар туһуттан, 2036 сылга диэри сымыытынан хааччыллыыны 70 %-ҥа тиэрдэр соругу туруорар. Ону толорууга үлэ эрэллээхтик баран иһэр.
Хаартыска: Тыа хаһаайыстыбатын уонна ас-үөл бэлиитикэтин министиэристибэтин саайта.
-
1
-
0
-
0
-
0
-
0
-
0
