Өлөөн улууһун баһылыгын социальнай боппуруостарга солбуйааччы Варианна Корякина:
– Балаҕан ыйын 11 күнүгэр улууска 3 ИВЛ аппараат кэлбитэ. Ол иннинэ биир эрэ аппарааттаах этибит. Билиҥҥитэ Өлөөҥҥө ыарахан туруктаах ыарыһах суох. Ол гынан баран, эрдэ хас да киһи ИВЛ аппараакка холбонон нэһиилэ үтүөрбүттэрэ. Бу ааһан эрэр сылга киин балыыһабыт тэхэньиичэскэй хааччыллыыта биллэ тубуста. Онон ыксаллаах түгэҥҥэ дьоҥҥо сөптөөх көмөнү оҥорор кыах үөскээтэ, – диэн бэлиэтээтэ.
Өлөөн улууһун дьаһалтата эминэн-томунан хааччыллыыга улахан болҕомто уурар. Ону таһынан, киин балыыһа тэхиньиичэскэй туругун бөҕөргөтөргө үлэ-хамнас барар.
СӨ Ил Дарханын уонна Бырабыыталыстыбатын пресс-сулууспатын матырыйаалынан.
-
0
-
0
-
0
-
0
-
0
-
0
