“Сокуон барылын Госдума көрүүтүгэр аҕыйах чааһынан киллэриэхпит”, -- диэн суруйар кини. Арассыыйа Үлэҕэ кодексыгар саҥа дьыллааҕы өрөбүл тохсунньу 1 күнүттэн тохсунньу 6 күнүгэр диэри салҕанан барар, ону тэҥэ тохсунньу 8 күнэ киирэр. Сокуон барылын оҥорооччулар саныылларынан, өрөбүл күнү тохсунньу 8 күнүттэн ахсынньы 31 күнүгэр көһөрүү үлэһиттэр бырааһынньыктааҕы өрөбүл күннэрин сөптөөхтүк туһаналларыгар көмөлөһүө, итиэннэ өрөбүл күн ахсаана оннунан хаалыа. Быйыл ахсынньы 31 күнэ чэппиэргэ түбэһэр.
Бэнидиэнньиккэ Кострома, Волгоград, Томскай уобаластара уонна Чувашия Өрөспүүбүлүкэтэ ахсынньы 31 күнүн өрөбүлүнэн биллэрдилэр. Өссө Рязань уобалаһыгар үлэ күнүн ахсынньы 31 күнүттэн ахсынньы 26 күнүгэр көһөрөргө быһаарбыттар. Ааспыт нэдиэлэҕэ Ставрополье, Псков уонна Мурман уобаластарын, Татарстан баһылыктара ахсынньы 31 күнүн өрөбүлүнэн биллэрэргэ быһаарбыттара. Белгород уобалаһыгар бастакынан саҕалаабыттара. РФ Бэрэсидьиэнин пресс-сэкирэтээрэ Дмитрий Песков ахсынньы 2 күнүгэр “ахсынньы 31 күнүн өрөбүл күнүнэн оҥорору эрэгийиэн былаастара бэйэлэрэ быһаарыахтарын сөбүн” туһунан эппитэ.
-
0
-
0
-
0
-
0
-
0
-
0