Саха сиринээҕи “сиэрдээхтэр” социальнай ситимнэринэн дойду бырабыыталыстыбата “биир ньыгыллар” туруорсууларынан уҥа урууллаах дьоппуон массыыналарын Арассыыйа суолларыгар сүүрдэри бобоору гынарын, тастан киллэриигэ чэпчэтиилээх эрэсиими Уһук Илиҥҥэ эрэ өссө биир сылга уһатар буолбутун, оттон уҥа урууллаахтарга саппаас чаастарын атыылаһар букатын уустугуруоҕун туһунан суруйууну тарҕаталлар.
Саха сиринээҕи “сиэрдээхтэр” социальнай ситимнэринэн дойду бырабыыталыстыбата “биир ньыгыллар” туруорсууларынан уҥа урууллаах дьоппуон массыыналарын Арассыыйа суолларыгар сүүрдэри бобоору гынарын, тастан киллэриигэ чэпчэтиилээх эрэсиими Уһук Илиҥҥэ эрэ өссө биир сылга уһатар буолбутун, оттон уҥа урууллаахтарга саппаас чаастарын атыылаһар букатын уустугуруоҕун туһунан суруйууну тарҕаталлар.
Бу сурах төһө оруннааҕый? Дьокуускайга дьоппуон массыыналарыгар саппаас чаастары атыылыыр “Японец” авто-киин генеральнай дириэктэрэ Афанасий Алексеев этэринэн, уҥа урууллаах массыыналарга оҥоһуллубут сылларыттан тутулуктанан таможняҕа хааччах уруккуттан баар. “Ол гынан баран, дьоппуон массыыналарын чопчу боболлорун туһунан туох да иһитиннэрии суох. Биһиги бастакынан истиэхпит-билиэхпит этэ буоллаҕа. Оттон саппаас чааска туох да харгыс, хааччах суох”, -- диир Афанасий Павлович. Кини саныырынан, бу бэлиитиктэр норуокка очукуо хомуйсар быыбар иннинээҕи таарымталаныылара буолуон сөп.
0
0
0
0
0
0
