Бу рекламнай хампаанньаны билиһиннэрэр киһинэн Арассыыйа артыыһа Светлана Иванова буолла.
“Бүгүн кинигэ түмсүүтүн соруктара – кинигэни бэлэхтээһин култууратын тарҕатыы буолар. Ону таһынан хампаанньа сүрүн соругунан кинигэни аахпат аудиторияны бу үтүө тэрээһиҥҥэ тардыы буолар. Бэчээт салаата сайдарыгар көмөлөһүөҕэ уонна Арассыыйа култууратын сайыннарыахпыт. Кинигэ киһини үрдүк таһымҥа таһаарар, инникигэ сыаллыыр. Кинигэ үчүгэй бэлэҕинэн буолар, ордук Саҥа дьыл бырааһынньыгар. Чугас дьоҥҥутугар кинигэ бастыҥ бэлэх буолуоҕун санааҥ”, -- диэн Арассыыйа кинигэтин Сойууһун бэрэсидьиэнэ Сергей Степашин эппит.
“Кинигэ – бастыҥ бэлэх” далааһыннаах хампаанньа кинигэ имиджын олохтуурга анаммыт. Иллэҥ кэмҥэ кинигэни ааҕы туһалааҕын уонна кинигэ бастыҥ бэлэх буоларын көрдөрөр. Бэлиэтиир буоллахха, кинигэни бэлэх уунар араас дойдуларга туспа култууранан буолбута ыраатта. 2012 сылтан кинигэни бэлэхтээһин күнэ киэҥник бэлиэтэнэр. Арассыыйаҕа даҕаны бу күнү бэлиэтииллэр. Ол да буоллар бу күнтэн саҕалаан нэһилиэнньэни кинигэни ааҕыыга тардыы саҥа түһүмэҕэ саҕаланыаҕа.
“Пандемия кэмигэр кинигэттэн дьон үгүс билиини ылар. Ол иһин кинигэ ааҕыытын көҕүлүүр түмсүүлэр араас бырайыактары олоххо киллэрдилэр, электроннай кинигэлэри ааҕыыны тоҕоостоох оҥордулар. “Дьиэҕэр олор” диэн аахсыйаны өйөөтүлэр. Бу хампаанньа кинигэҕэ дьон болҕомтотун тардыаҕа, ордук ыччат болҕомтотун. Кинигэни бэлэх быһыытынан биэрии култууратын үрдэтиэҕэ. Бу хамсааһын кинигэни бэчээттээһин салаата кириисистэн тахсарыгар көмөлөһүөҕэ”, -- диэн РФ Бэчээт уонна маассабай коммуникацияҕа агентствотын салайааччытын солуйааччы Владимир Григорьев эппит.
“Кинигэ -- бастыҥ бэлэх” социальнай рекламнай хампаанньаны Most Creative Club агентство Литрес кинигэ интэриниэт сервиһын кытары оҥорбут. Ахсынньы ыйыгар киэҥ эйгэҕэ тахсыаҕа. Хампаанньа сыалын киинэ уонна тыйаатыр артыыһа Светлана Иванова өйөөбүт. Санатар буоллахха, Светлана Иванова «Легенда № 17», «Дом Солнца», «9 рота», «Триггер», «Аванпост» уонна да атын киинэлэргэ оонньообута. “Оҕо сааспыттан кинигэ ааҕарбын сөбүлүүбүн. Сэдэхтик тахсар кинигэлэри көрдүүрүм. Кэлин электроннай кинигэлэри ааҕарбын сөбүлээтим, оҕолорбун утутан баран, кинигэ эйгэтигэр бүүс-бүтүннүү бэринэрим. Аудиокинигэлэри истэрбин эмиэ сөбүлүүбүн. Мин оҕолорбор кинигэҕэ тапталбын тиэрдиэхпин баҕарабын”, -- диэн Светлана Иванова үллэстибит.
Социальнай хампаанньа видеоролига кинигэ бастыҥ бэлэх буоларын, кинигэ киһи настарыанньатын көтөҕөрүн туһунан кэпсиир.
-
0
-
0
-
0
-
0
-
0
-
0
