Саҥа систиэмэни 2021-2025 сыллар устата түһүмэхтэринэн олоххо киллэрэр былааннаахтар. Ол курдук, үлэһит хамнаһын ааҕалларыгар сүрүн ыстаапкатын уонна анал тарыып сиэккэтин разрядын учуоттуур буолуохтара. Ити сиэккэҕэ 18 разряд киирэр.
Хамнас саҥа сокуонунан, мантан ыла РФ Бырабыыталыстыбата бүддьүөт үлэһиттэрин акылааттарын уонна ыстаапкаларын араастаһыытын, эбии төлөбүрдэрин уонна бириэмийэлэрин хонтуруоллуоҕа.
Үлэһит хамнаһын 70 %-на акылааттан уонна 10-30 % диэри бириэмийэлэртэн, буортулаах үлэ иһин, өрөбүллэргэ үлэ иһин, сүрүн үлэни таһынан үлэ иһин, учуонай истиэпэн иһин, ыстааһын иһин диэн эбии төлөбүрдэрдэн турар буолуоҕа. Эспиэрдэр этэллэринэн, сорох идэлэргэ акылааты таһынан эбии төлөбүр кээмэйэ 60-120 % тиийиэн сөп.
Сокуону оҥорооччулар, “саҥа систиэмэ хамнас аччааһыныгар тиэрдиэ суоҕа” диэн этэллэр. Төттөрүтүн, РФ сорох эрэгийиэннэригэр үрдүүрэ күүтүллэр.
- 0
- 0
- 0
- 0
- 0
- 0