Саҥа сыл бастакы ыйыттан РФ Бэрэсэдьиэнин “ыам ыйдааҕы” Ыйааҕар хабыллыбатах бүддьүөт үлэһиттэрин хамнаһа 3 % үрдээтэ. Ол курдук, Саха сиригэр 37 тыһыынча кэриҥэ бүддьүөт үлэһитэ кэлэр ыйга үрдэтиллибит хамнаһы ылыаҕа. Манна бэтэринээрдэр, агрономнар, ойууру көрөөччүлэр, инженердар, суоппардар, асчыттар уо.д.а. намыһах хамнастаах идэлэр киирэллэр.
Этиллибит үлэһиттэр хамнастарын үрдэтиигэ өрөспүүбүлүкэ бүддьүөтүгэр 739,8 мөл. солк. көрүллүбүт.
Саҥа федеральнай сокуонунан, 2021 сыл тохсунньу 1 күнүттэн хамнас төлөбүрүн алын кээмэйэ 5,5 % үрдээтэ уонна 12 792 солк. тэҥнэстэ. Онон хотугу кэписийиэннэри учуоттаан туран, өрөспүүбүлүкэҕэ бүддьүөт үлэһитин уопсай ааҕыллар алын хамнаһа 31 980 солк (1,7 кэпийиэҥҥэ) уонна 35 818 солк (2,0 кэписийиэҥҥэ) итэҕэс буолуо суохтаах. Бу үрдээһин 30 тыһыынча курдук үлэһити таарыйыаҕа. Бу сыалга бүддьүөккэ 769 мөл. солк. көрүллүбүт.
-
0
-
0
-
0
-
0
-
0
-
0
