Тохсунньу 7 күнүгэр православнай итэҕэллээхтэр таҥара дьиэлэрин анал сулууспаларыгар уонна Преображенскай таҥара дьиэтин хорун кэнсиэригэр сылдьыахтарын сөп.
Сарсын сарсыарда 10 чааска баһылык Роман Преображенскай таҥара дьиэтигэр анал сулууспа ыытыаҕа. Оттон, эбиэттэн киэһэ 16.30 чааска, таҥара хорун ороһуоспатааҕы өрөгөй кэнсиэрэ буолуоҕа.
Чэчиэринньик түүн эр дьон Спасскай манастыырдарыгар (Курашова уул., 2), дьахталлар Покровскай манастыырдарыгар (Ушакова уул., 12) уонна Богородица храмыгар (Ленин проспегын, 61а) түүҥҥү сулууспалар буолан ааһыахтара.
Таҥара дьиэтин үлэһитэ, маатыска Елизавета иһитиннэрбитинэн, быйыл хамсыгынан сиэттэрэн Ороһуоспаҕа аналлаах аҕыйах тэрээһин ыытыллар. Кини “Ороһуоспа сулууспаларыгар баҕалаах барыта сылдьыан сөп” диир. Ол гынан баран, булгуччу мааскалаах кэлиэхтээххит уонна социальнай дистанцияны тутуһуохтааххыт.
-
0
-
0
-
0
-
0
-
0
-
0
