Санатар буоллахха, I-VIII кылаастар үөрэнээччилэрэ тохсунньу 13 күнүттэн 18 күнүгэр диэри тэйиччиттэн үөрэниигэ көһөрүллүбүттэрэ. Оттон IX, X, XI кылаастарга үрдүттэн үөрэнии салҕанар эрээри, актированнай күннэри биллэриини аахсан туран.
Дьокуускайдааҕы үөрэх управлениетын бирикээһигэр сөп түбэһиннэрэн, киин куорат оскуолаларыгар анаан актированнай күннэр маннык олохтоноллор: 45 кыраадыс тымныы, тыала суох буоллаҕына, 1-гыттан 5-с кылааска диэри үөрэх тохтотуллар, 1 м/сөк. түргэн тыаллаахха 44 кыраадыс тымныыга, 2 м/сөк. түргэн тыаллаахха 43, оттон 3-5 м/сөк. түргэн тыаллаахха 42 кыраадыс тымныыга ити кылаастарга актированнай күн биллэриллэр.
Оскуола 8-с кылааһыгар диэри үөрэх 48 кыраадыс тымныы, тыала суох түбэлтэтигэр тохтотуллар. Оттон сөкүүндэҕэ 1 м түргэннээхтик үрэр тыаллаах буоллаҕына, 47 кыраадыс тымныыга актированнай күн биллэриллэр. Ити курдук 2 м түргэннээх тыалга 46 кыраадыс, 3-5 м түргэннээх тыалга 45 кыраадыс тымныыга үөрэх тохтотуллар.
Оскуола бары кылаастарыгар 50 кыраадыс тымныы, тыала суох халлаан турар буоллаҕына, актированнай күн биллэриллэр. Өскөтүн сөкүүндэҕэ 1 м түргэннээх тыаллаах буоллаҕына, 49 кыраадыс тымныыга үөрэх тохтотуллар. Онтон 2 м/сөк. тыаллаахха 48 кыраадыс, 3-5 м/сөк. тыаллаахха 47 кыраадыс тымныыга -- актированнай күннэр.
Актированнай күн Гимеин уонна Аэропорт түөлбэлэринээҕи метеостанциялар көрдөрүүлэрин саамай намыһах температураларын аахсан олохтонор.
-
0
-
0
-
0
-
0
-
0
-
0
