Билигин университетка бу үлэҕэ бэлэмнэнэллэр – быһыыны ылыан баҕалаахтар испииһэктэрин оҥороллор. «“Спутник-V” быһыы дозаларын тохсунньу 31 күнүгэр аҕалыахтаахтар. Бэнидиэнньиктэн быһыыны туруоран барыахпыт. Биэстии киһини ыҥыран. Тоҕо диэтэххэ, биир ампула биэс киһиэхэ быһыы туруорарга анаммыт. Өскөтүн биир эмит киһи кэлбэтэҕинэ, ампула арыллыбат», -- диэн ХИФУ килииникэтин дириэктэрин солбуйааччы Гаврил Эбиль кэпсээбит.
Вакцинаны ылыах иннинэ устудьуоннар медосмотр бараллар, ИФА анаалыһын босхо туттараллар. Доруобуйаларын туруга көҥүллүүр буоллаҕына, быһыыны ылаллар. «Коронавируһунан ыалдьыбыт устудьуон, өскөтүн ыалдьыбыт күнүттэн алта ый ааһа илик буоллаҕына, балыыһаттан ыспыраапка аҕалар», -- диэн быһаарбыт Гаврил Эбиль. Оройуоҥҥа баар устудьуоннарга быһыыны олорор сирдэринэн ылалларыгар сүбэлииллэр.
-
0
-
0
-
0
-
0
-
0
-
0
