«1 №-дээх энергоблогу өрөмүөннүүр үлэ түмүктэммитэ, тохсунньу 30 күнэ туолар түүнүгэр үлэлэппиппит. Билигин 3 №-дээх энергоблогу чөлүгэр түһэрии иккис чааһын саҕалаатыбыт. Былаан быһыытынан тохсунньу 31 күнүгэр эбиэт диэки үмүрүтүөхпүт. Бу энергоблоктар арахсыылара оройуону уотунан уонна сылааһынан хааччыйыыга ханнык да дьайыыны оҥорботулар. Ол курдук, 2 №-дээх энергоблок уонна ыстаансыйа ууну сылытар үс хочуола үлэлии турбуттара. Саха сирин соҕуруу оройуоннарын уотунан Дьокуускайдааҕы ГРЭС-1, ГРЭС-2 уонна Бүлүүтээҕи ГЭС хааччыйдылар», -- диэн Борис Викторович кэпсээтэ.
Ааспыт сууккаҕа киин, Бүлүү бөлөх уонна Өлүөхүмэ, Алдан, Нерюнгри оройуоннарыгар уот арахсыыта тахсыбата, социальнай суолталаах эбийиэктэр бары үлэлии тураллар.
- 0
- 0
- 0
- 0
- 0
- 0