Мааны ыалдьыттар көтөр аалтан түһээттэрин кытта бэрт өрдөөҕүттэн тутулла сатаабыт аэропорт вокзалын арыйыы үөрүүлээх тэрээһинигэр сырытыннардылар. Ил Дархан өрөспүүбүлүкэҕэ бу курдук дьоҕус авиация сайдыытыгар инникитин элбэх үлэ ыытыллыахтааҕын эттэ. Үөһээ Бүлүү улууһун баһылыга Владимир Поскачин бу улахан эбийиэккэ үлэлэспит дьоҥҥо, аэропорт үлэһиттэригэр махтал-эҕэрдэ тылларын анаата. Эбийиэк “Арассыыйаҕа тырааныспар тиһигин сайыннарыы” федеральнай бырагырааманан тутулунна. Сакаасчыт – “Хотугу сир аэропортара” федеральнай хааһына тэрилтэтэ, бэдэрээччит – “Альянс-2005” ХЭУо.
Өрөспүүбүлүкэҕэ биллэриллибит Доруобуйа сылыгар Ил Дархан улуустааҕы киин балыыһа үлэтин-хамнаһын кытта билистэ. Манна сотору кэминэн КТ аппараат үлэлиэхтээх. Чөл олоҕу, чэбдигириини тутуһар Кэнтиккэ саҥа спорт саалатын арыйыы биир дьоһуннаах, үөрүүлээх түгэнинэн буолла. Айсен Николаев нэһилиэк олохтоохторугар туһаайан: “Спордунан дьарыктаныҥ, хамсыктан харыстаныҥ, чэгиэн буолуҥ!” – диэн туран, саалаҕа спорт тэриллэрин ылыналларыгар анаан нэһилиэк баһылыгар Валерий Николаевка сэртипикээт туттарда.
-
0
-
0
-
0
-
0
-
0
-
0
