Дьиэ кэргэҥҥэ ипотека
Бу бырагыраама РФ-га барытыгар үлэлиир. Ол эрээри Уһук Илиҥҥэ ураты усулуобуйа олохтообуттар. 2018 сыл тохсунньу 1 күнүттэн бэттэх иккис уонна онтон элбэх оҕоломмут дьиэ кэргэҥҥэ чэпчэтиилээх кирэдьиит көрүллэр. Ол курдук ипотеканан кирэдьиити 6,5 % ставкалаах 30 сылга ылыахтарын сөп.
6,5%-наах ипотека
Дойду үрдүнэн үлэлиир бырагыраама. Москва, Санкт-Петербург, Москва уонна Ленинград уобаластарын олохтоохторо 12 мөл. солк. диэри кирэдьиит ылыахтарын сөп. Оттон атын эрэгийиэннэргэ – 6 мөл. солк. диэри сууманы.
Чэпчэтиилээх ставка ипотека ылыллыбыт болдьоҕун устата ананар. Бааннары судаарыстыба субсидиялыыр. Кирэдьиит 2020 сыл муус устар 17 күнүттэн 2021 сыл от ыйын 1 күнүгэр диэри бэриллэр. Бу ипотеканан дойду үрдүнэн 2 мөл. тахса киһи кирэдьиит ылан дьиэлэммит.
Тыа сирин ипотеката
Тыа сиригэр дьиэ атыылаһыан баҕалаахтарага 3% диэри чэпчэтиилээх ставкалаах бырагыраама үлэлиир. Бастакы усунуос дьиэ сыанатыттан 10% ылар буолуохтаах. Бу ипотеканан бэлэм дьиэни, өлүүлээн төлүүргэ дуогабардаһан тутулла турар дьиэҕэ кыбартыыраны уонна дьиэ туттарга учаастак ылыахха сөп.
6,1% ипотеканан дьиэ туттарга
Бу бырагыраама эмиэ дойду үрдүнэн үлэлиир. Дьиэ туттуохтаах учаастак РФ ханнык баҕарар эрэгэйиэнигэр баар буолуон сөп. Адыгеяҕа, Калмыкияҕа, Кабардино-Балкарияҕа, Ингушетияҕа, Дагестаҥҥа, Чечня өрөспүүбүлүкэтигэр үлэлээбэт.
Ипотеканы ылыллыбыт кирэдьиити төлөөн бүтэригэр киһи 65 сааһыгар диэри саастаах буолуохтуох.
Уһук Илиҥҥэ ипотека
Уһук Илиҥҥэ олорор эбэтэр көһөн кэлбит киһи бу ипотеканан туһаныан сөп. Чэпчэтиилээх ставката 2% буолар. Бырагырааманан кэккэ хааччахтааһыннар бааллар, ол эрээри «Уһук илин гектарынан» сир ылааччыларга ол хааччахтааһыннар дьайбаттар.
-
0
-
0
-
0
-
0
-
0
-
0
