Сыыппара солкуобайы смартфонунан уонна көмпүүтэринэн туһаныахха сөп. Киин баан саҥа харчы концепциятын муус устар саҥатыгар биллэрбитэ. Бу көрүҥ 2021-2023 сылларга төлөбүр национальнай систиэмэтин сайыннарыы стратегиятын иһинэн олоххо киирэрэ этиллэр.
Киин баан дааннайынан, 1 сыыппара солкуобай 1 көннөрү солк тэҥ сыаннастаах буолар. Үгэскэ кубулуйбут харчы курдук сиэрийэлээх, нүөмэрдээх буолара былааннанар. Сыыппара көлүһүөктэри бааннар сыһыарыыларын көмөтүнэн смартфоҥҥа арыйар буолуохтара.
Сыыппара солкуобай көмөтүнэн электроннай төлөбүр араас көрүҥүн оҥоруохха сөп. Ол курдук, маҕаһыыннарга, интэриниэт уонна мобильнай сибээс төлөбүрдэригэр туһанар кыахтанаҕын.
Сыыппара солкуобай пилотная бырайыагын 2022 сылга үлэлэтэр былааннаахтар. Саҥа систиэмэ олоххо киирэригэр сокуоҥҥа тустаах уларыйыылар киирэллэрэ күүтүллэр.
-
0
-
0
-
0
-
0
-
0
-
0
