Кырдьаҕастар көй салгыҥҥа сылдьан, эдэр муҥхаһыттарга көмөлөһөн, ким тугу кыайарынан-сатыырынан үлэлээтибит-хамсаатыбыт, ол хардатыгар Эбэбит барахсан көмүс хатырыктааҕы дэлэччи уунна!
Биирдии куул собону ыламмыт, үөрүүбүт үрдэ суох буолла. Ити быыһыгар төлөннөөх эдэр сааспыт аргыстарын, хомсомуол ырыаларын ыллаатыбыт-туойдубут, хоһооннорун аахтыбыт.
Араас сылларга хомсомуол маҥнайгы сүһүөх тэрилтэлэригэр сэкирэтээрдээбит дьоһун дьоннорбутугар «Хомсомуол 100 сыла» мэтээллэри туттардыбыт диэн Тыараһаттан биһиги уопсастыбаннай кэрэспэндьиэммит, нэһилиэк бэтэрээннэрин сэбиэтин бэрэссэдээтэлэ Мария Попова иһитиннэрэр.
-
0
-
0
-
0
-
0
-
0
-
0
