Ыам ыйын 8 күнүгэр Ньурба куораты икки микрооройуоҥҥа араарар Нюрбинка үрэх уута эбиллэн, Речниктар уулуссаларыгар баар дьиэлэри ылбыт. Бу уулуссаҕа олорор 5 ыал көһөрүллүбүт. Эмсэҕэлээбит дьон Ньурба куорат дьаһалтатыгар сурук суруйбуттарын кэнниттэн ыксаллаах быһыы-майгы сулууспатын үлэһиттэрэ көмөҕө кэлбиттэр. Балаһыанньа улуус дьаһалтатын хонтуруолугар ылыллыбыт. Үрэх уутун таһыма 1250 см үрдээтэҕинэ кутталланар. Оттон ыам ыйын 9 күнүнээҕи туругунан уу таһыма 1005 см буолбут.
Олохтоохтор этэллэринэн, бүгүҥҥү туругунан уу үрэҕи туоруур муостаҕа тиийэн анньыллан турар. Блогер Нюрбинка үрэх халааннаабытын Бүлүү өрүс мууһа эрдэ хамсаан, Ньурба уонна Үөһээ Бүлүү икки ардыгар харыы үөскээбититтэн тахсыбыт диэн сабаҕалыыр.
-
0
-
0
-
0
-
0
-
0
-
0
