Сокуону быһаарар анал сурукка араас рейстэргэ сылдьар суоппардар доруобуйаларын туругун бэрэбиэркэлиир көрүү сарсыарда уонна киэһээҥҥи симиэнэ уларыйар кэмигэр оҥоһуллуохтааҕа ыйыллар. Итини тэҥэ, суоппар туруга быһаарыллыбытын кэнниттэн ол иһитиннэриитин тустаах исписэлиистэргэ тиэрдэргэ анал техническэй оборудование туһаныллыахтаах. Ол аата үлэһит туругун тустаах исписэлиис ыраахтан олорон эрэ быһаарарыгар кыах үөскүүр. РФ Госдуматыгар тырааныспарга уонна тутууга кэмитиэтин бэрэссэдээтэлин солбуйааччы, “Куттала суох суоллар” бырайыагы сүрүннээччи Владимир Афонскай («Биир ньыгыл Арассыыйа» баартыйа чилиэнэ): «Араас рейстэргэ сылдьар суоппардар доруобуйаларын туруктарын бэрэбиэркэлииргэ дистанционнай медицинскэй көрүүнү киллэрэри туруорсубуппут ыраатта. «О безопасности дорожного движения» федеральнай сокуоҥҥа ыйылларынан, биирдиилээн урбаанньыттар тимир көлөнү туһанар буоллахтарына, суоппардар айанныахтарын иннинэ уонна айаннаан кэлэн баран доруобуйаларын туругун хайаан да бэрэбиэркэлэтиэхтээхтэр. Хомойуох иһин, дьоҕус хампаанньалар суоппардарын доруобуйаларын туругун хайдах да кыайан көрдөрөр усулуобуйалара суоҕа өйдөнөр. Медицинскэй үлэһит ыстаатын эбии тутар кыахтара эмиэ суох. Ол иһин саҥа медицинскэй оборудование үлэһиттэр доруобуйаларын туругун быһарыыга көдьүүһэ улахан буолуоҕа. Ол эбэтэр, суоппардар доруобуйаларын туругун сарсыарда уонна киэһэ тустаах исписэлиистэр ыраахтан олорон эрэ көрөн быһаарыахтара. Итинтэн сиэттэрэн, тустаах хампаанньалар улахан ороскуоту көрсүө суох этилэр. Итини тэҥэ, саҥа технологияны туһаныы медицинскэй үлэһиттэр транспортнай хампаанньалар суоппардарын доруобуйаларын туругун ыраах рейстэргэ да сылдьар кэмнэригэр ыраахтан да олорон быһааралларыгар улахан көмөлөөх буолуо этэ. Саамай сүрүнэ, ити саҥа оборудование көмөтүнэн миэдиктэр аҕыйах чаас иһигэр элбэх үлэһит туругун быһаарар кыахтаахтар», -- диэн быһаарар. РФ Госдуматыгар доруобуйа харыстабылыгар кэмитиэтин бэрэссэдээтэлэ Леонид Огуль этэринэн, Арассыыйа үрдүнэн таһаҕаһы тиэйиинэн дьарыктанар 300 тыһ. тахса урбаанньыт, дьоҕус тэрилтэ баара биллэр.
.
-
1
-
0
-
0
-
0
-
0
-
0
