Аны мантан ыла тэрилтэҕэ үлэһиттэр кыраадыстарын кээмэйдиир буолуохтара. Температурата үрдээбит эбэтэр ыалдьаары гыммыт киһини дьиэтигэр ыытыахтаахтар, үлэлэтиэ суохтаахтар.
Эбии үөрэхтээһин куруһуоктара уонна спортивнай дьарыктар үлэлэрин икки көрүҥүнэн саҕалыыллар: күнүскү уонна электроннай ньыма көмөтүнэн кэтэхтэн.
Уопсастыбаннай тырааныспар суоппардара хас сырыы (рейс) кэнниттэн оптуобустарын ыраастыахтаахтар (дезинфекция).
Муниципальнай оройуоннар уонна куорат уокуруктарын баһылыктара коронавирустан өлбүт дьону көмүүгэ бары санитарнай-эпидемиологическай ирдэбиллэри тутуһалларын хааччыйыахтаахтар. Каникул кэмигэр оҕолор айанныылларын, кэлэллэрин-баралларын хонтуруоллуохтаахтар.
Баҥкыаттар 15-тэн элбэҕэ суох киһилээх ыытыллыахтаахтар. Дискотекалары, атын да элбэх киһилээх аралдьытар тэрээһиннэри боптулар.
-
0
-
0
-
0
-
0
-
0
-
0
