Биһиги өрөспүүбүлүкэбит, улуустар салалталара, нэһилиэктэр салайааччылара тыа хаһаайыстыбатын сайдыытыгар туһуламмыт тус сыаллаах судаарыстыбаннай бырагырааманы олоххо киллэриигэ ыллыктаахтык ылсан, аныгылыы ирдэбиллэри тутуһан, саҥа технологиялары күүскэ киллэрэн, эдэр эрчимнээх исписэлиистэри түмэ тардан, тыа сирин дьоно уйгу-быйаҥ олохтоноругар үлэлэһэ сылдьаҕыт. Бэйэҕит иитэн-харайан, көрөн-истэн таһаарбыт бородууксуйаҕыт хас биирдии ыал остуолугар баар буоларыгар, доруобай, чөл туруктаах, баай эйгэлээх ыччат иитиллэн тахсарыгар кыһамньыгытын уураҕыт. Түмсүүлээх буолуу, биир санааланыы барыбытын куустун, тыа сирэ, тыа хаһаайыстыбата иннин диэки барарыгар, сайдарыгар – биир санаалаахтар түмүстэхпитинэ, күүспүтүн холбоотохпутуна эрэ туох барыта кыаллыа!
Барыгытыгар байылыат олоҕу баҕарабын, өбүгэбит дьарыгынан дьарыктанар идэбит салгыы тэнийдин, уйгу-быйаҥ буолуохтун! Түбүктээх үлэҕит үтүө түмүктээх буолуохтун, мэлдьи ситиһии эрэ эҥэрдэстин, куруук дьол-соргу эрэ тосхойдун!
Эҕэрдэни кытта, Саха Өрөспүүбүлүкэтин Судаарыстыбаннай Мунньаҕын Ил Түмэн тыа сиригэр уонна аграрнай политикаҕа сис кэмитиэтин бэрэссэдээтэлэ А.М. Находкин
-
0
-
0
-
0
-
0
-
0
-
0
