Антонина Афанасьевна, эйигин “Ил Түмэн” бэчээт кыһатын кэлэктиибин аатыттан төрөөбүт күҥҥүнэн итиитик-истиҥник эҕэрдэлиибит!
Эн өр сылларга үлэлээн мунньуммут салайар уопуттаах, уопсастыбаннай-бэлитиичэскэй олоҕу, социальнай-экэнэмиичэскэй балаһыанньаны эндэппэккэ билэр, айылҕаттан мындыр толкуйдаах, сылыктаан-анааран көрөр дьоҕурдаах буолаҥҥын, баар боппуруостары, кыһалҕалары сөпкө быһаараҕын, парламент дьокутааттарын кытта, өрөспүүбүлүкэни сайыннарар соругу тутуһан, таһаарыылаах, былааннаах үлэни тэрийэҕин.
Эйигин чугас дьонуҥ сылаас тапталлара өрүү араҥаччылаатын, сылааһынан угуттаатын, аттыгар куруук эрэллээх доҕоттор, биир санаалаахтарыҥ баар буоллуннар. Чэгиэн доруобуйаны, уостубат эрчими, дьоллоох олоҕу уонна өрөспүүбүлүкэбит сайдарын туһугар киэҥ далааһыннаах, дириҥ хоротуулаах үлэни баҕарабыт!
-
0
-
0
-
0
-
0
-
0
-
0
