Биһиги Маай бырааһынньыгын пандемия уустук кэмигэр көрсөбүт. Судаарыстыба, уопсастыба, ону тэҥэ миэдиктэр уонна вируһу чинчийээччилэр күүстэринэн, бу уодаһыннаах ыарыыны утары туруулаһар кыахтанныбыт. Билиҥҥи кэмҥэ хас биирдиибит эппиэтинэстээх сыһыана бэйэбит олохпутун уонна чугас дьоммут, биир дойдулаахтарбыт доруобуйаларын харыстыырбытыгар уонна иннибит диэки эрэллээхтик хардыылыырбытыгар олук буолар.
Үөрүүлээх түгэҥҥэ, биһиги үтүө үгэһи тутуһарбытын, үлэ киһитин өрө тутарбытын, холобур оҥосторбутун биллэрэбит. Маннык үлэһит дьонноох буоламмыт тыабыт сирэ уонна хотугу кыраайдарбыт сайдаллар, бырамыысыланнас кэҥиир. Ийэ дойдубут салгыы чэчирии сайдарыгар аҕа көлүөнэ баай уопута, үрдүк квалификациялаах исписэлиистэр таһаарыылаах үлэлэрэ, эдэр ыччат көхтөөх буолуута ураты суолталаах. Биһиги кэккэбитигэр баар Үлэ Дьоруойдара Михаил Готовцевынан, Варвара Устинованан киэн туттабыт. Социалистическай Үлэ Дьоруойа үрдүк ааты ылбыт биир дойдулаахтарбытыгар ис сүрэхпититтэн махтанабыт.
Арассыыйа Федерациятын Конституцията үлэ киһитигэр ытыктабыллаах сыһыаны мэктиэлиир, итиэннэ гражданин бырааба уонна эбээһинэһэ тэҥ буолуутун, социальнай бииргэ үлэлээһини, экэниэмикэ, бэлиитикэ уонна олох-дьаһах өттүнэн биир санаалаах буолууну хааччыйар. Судаарыстыба киһи үлэҕэ, сөптөөх хамнаска Конституциянан олохтоммут быраабын хааччыйыы боппуруостарыгар, ону тэҥэ дьиэ кэргэҥҥэ, ийэ-аҕа буолууга уонна оҕо-аймахха, инбэлииттэргэ уонна аҕам саастаах дьоҥҥо судаарыстыба өйөбүлүн боппуруостарыгар ураты болҕомтону уурар.
Бүтүн уопсастыба, судаарыстыба сомоҕо буолуутун, үлэҕэ бэриниилээх буолуубут уонна кэскилбит туһугар эппиэтинэспит көмөтүнэн хайа баҕар ыарахаттары туоруохпут диэн бигэ эрэллээхпин. Саха сирин олохтоохторугар чэгиэн-чэбдик доруобуйаны, дьиэ кэргэҥҥитигэр этэҥҥэ буолууну, өйдөһүүнү-өйөһүүнү баҕарабын. Бэйэҕитин уонна чугас дьоҥҥутун харыстааҥ!
П.В.ГОГОЛЕВ, Саха Өрөспүүбүлүкэтин Ил Түмэнин Бэрэссэдээтэлэ.
Василий Кононов 2019 сыллааҕы Маай бырааһынньыгын хаартыскаҕа түһэриитэ.
-
0
-
0
-
0
-
0
-
0
-
0
