— Ааһан эрэр 2021 сыл төһө да ыархаттары үөскэттэр, бу уустук быыһык кэмҥэ тэтиммитин ыһыктыбакка, этэнҥэ түмүктээн эрэбит.
2021 сыл биир бэлиэ даататынан Саха хомсомуолун 100 сылын бэлиэтээһин буолла. Чурапчы улууһугар араас тэрээһиннэр ыытылыннылар, ол иһигэр «Эрчимнээх эдэр сааспыт -- комсомол» диэн кинигэ сүрэхтэниитэ. Итини тэҥэ нэһилиэк кыаммат араҥатыгар анаан «Үтүө санаа долбуура» тэрилиннэ. Онно араас көлүөнэ комсомолецтар бородуукта хомуйан, атыылаһан ууран, көхтөөхтүк кытыннылар.
2021 с. саҕаланыытыгар уокуругум нэһилиэктэригэр сылдьан, дьокутаат быһыытынан үлэлээбит түмүктэрбин отчуоттаабытым. Улууспар «Үтүө дьыала» чэрчитинэн 25000 солк. суумалаах көмө оҥоһулунна.
Улуус сонунун ааҕа-билэ олордуннар диэн, 10 кырдьаҕаска хаһыат сурутан, дьоҥҥо ыҥырыы оҥордум. Кыайыы искибиэригэр «Үйэлээх уот» оҥоһулларыгар сэмэй кылааппын киллэрдим.
Саха сирин олохтоохторун Саха АССР төрүттэммитэ 100 сылын туолар өрөгөйдөөх 2022 сыла үүнэринэн, Саҥа дьыл бырааһынньыгынан эҕэрдэлиибин! Бар дьоммор кытаанах доруобуйаны, кыайыылаах, таһаарыылаах үлэни, дьолу-соргуну баҕарабын!
-
0
-
0
-
0
-
0
-
0
-
0
