Ааспыт сылга абитуриент тэрилтэни кытта дуогабар түһэрсэн баран, атын “сыаллаахтары” кытта күрэхтэһэрэ. Быйыл барыта “Работа в России” (Работа.ру) федеральнай систиэмэ нөҥүө ааспыт. Бу систиэмэни Үлэ уонна Үөрэҕирии министиэристибэлэрэ быйыл үлэҕэ саҥа киллэрбиттэр, онон сороҕор сөп түбэһиспэт түгэннэр үөскээбиттэрэ, сорох дааннайдары үлэһиттэр бэйэлэрэ бэчээттээн биэрбиттэр.
Ону кытта дуогабардаһар тэрилтэлэр Работа.ру систиэмэҕэ абитуриены киллэрэллэригэр бириэмэ баранар, эбэтэр оҕо атын хайысхаҕа көһүөн баҕардаҕына, хаттаан талар кыаҕы биэрбэт уонна да атын уустуктар үөскээбиттэр. Ол да буоллар, бу хайысханан ХИФУ син биир атын үөрэх кыһаларыттан үрдүк таһымҥа сылдьар. “Тэрилтэни кытта дуогабар түһэрсии 100% үөрэххэ киирии диэн буолбатах. “Сыаллаахтар” бэйэлэрэ туспа куонкурустаахтар, холобур, 2 миэстэ баар, онно 5 киһи туттарсар. 2 бастыҥ туттарсааччы үөрэххэ хапсар, оттон хаалбыт 3 киһи уопсай куонкуруска барар”, - диэн Анатолий Николаевич бэлиэтээбитэ.
-
0
-
0
-
0
-
0
-
0
-
0
