Мунньахха бары улуустартан түмүллүбүт 480-тэн тахса үөрэх тэрилтэлэрин бэрэстэбиитэллэрэ каадырдары бэлэмнээһин боппуруоһун ырытыстылар. Айсен Николаев үөрэх салаатын сайдыытын сүрүн тосхоллоругар тохтоото. Билигин сыыппара технологията, оҥоһуу өй күүскэ сайдан, үлэ ырыынага уларыйа турарын, саҥа идэлэр тахсалларын бэлиэтээтэ. Онон, 2030 с. диэри үөрэх салаатын сайыннарыы сүрүн сыала-соруга торумнаммытын кэпсээтэ.
2020 сылтан өрөспүүбүлүкэҕэ 60 оскуола, 36 уһуйаан тутуллан үлэҕэ киирдэ. Сүүстэн тахса эбийиэккэ хапытаалынай өрөмүөн ыытылынна, ол иһигэр Аартыка улуустарыгар. Ол түмүгэр 40 тыһ. тахса оҕо аныгы ирдэбилгэ эппиэттиир усулуобуйаҕа үөрэнэр кыахтаннылар. Ону таһынан, эбии үөрэхтээһин, сыыппараҕа үөрэтии, физкултуура инфаструктурата сайдар.
Балаҕан ыйын 1 күнүгэр Дьокуускайга, ДСК түөлбэтигэр өрөспүүбүлүкэҕэ саамай улахан, 17 тыһ. кв.м. иэннээх, оскуола аһыллар. Оскуола Бастакы Бэрэсидьиэн Михаил Николаев аатын сүгэр. Айсен Николаев бу оскуола Михаил Ефимович көҕүлээһининэн тэриллибит Бэрэсидьиэн оскуолаларын ситимигэр киирэрин туһунан ыйааҕы Билии күнүн иннинэ баттыырын туһунан иһитиннэрдэ.
Хаартыска: Үөрэх уонна билим министиэристибэтэ.
-
0
-
0
-
0
-
0
-
0
-
0
