Быйыл 18 үөрэх тэрилтэтэ өрөмүөннэннэ, онтон 8 оскуола өрөмүөнэ былырыыҥҥыттан салҕанар. Оскуолалары модернизациялааһын бырагыраамата кэҥээн, уһуйааннары, орто үөрэх эбийиэктэрин эмиэ өрөмүөннүөххэ сөп. Онон, 18 оскуолаҕа 2 уһуйаан, 2 орто үөрэх тэрилтэтэ эбилиннэ.
18 оскуолаттан 11-игэр өрөмүөн түмүктэммит, ону таһынан, бу күннэргэ 7 эбийиэк бүттэ. Бу бырагыраама үчүгэйэ диэн уһуйааннарга уонна оскуолаларга материальнай хааччыллыылаах. 8 оскуолаҕа саҥа тэрил (интерактивнай дуоска, паарталар, олоппостор о.д.а.) өссө былырыын кэлбиттэрэ, ону хапытаалынай өрөмүөн бүппүтүн кэннэ туруораллар. Маны таһынан, туһунан биридимиэттэри үөрэтэргэ наадалаах тэрилинэн хааччыйаллар.
Ленин проспегар 1 №-дээх оскуола дьиэтэ тутулла турар, бэдэрээччит сыл бүтүөр диэри бүтэриэхтээх. Өлүөхүмэ улууһун Заречнай бөһүөлэгэр, Өймөкөөн улууһун Үчүгэй нэһилиэгэр саҥа оскуолалар, Булгунньахтаахха уһуйаан тутуллаллар. Мииринэйгэ Оҕо дыбарыаһа бүтүөхтээх.
Атырдьах ыйын 25 күнүгэр оскуолалар оҕолору кытыннарбакка эрэ антитеррористическай үөрэҕи аастылар, учууталлар ыксаллаах быһыы-майгы тирээтэҕинэ, чуолаан сэрии сэптээх дьон саба түстэхтэринэ, хаһаайына суох суумка, мал көһүннэҕинэ тугу гыныахтаахтарын алгоритм быһыытынан эндэппэккэ билэллэр. Маннык түгэҥҥэ оҕолору, үлэһиттэри көмүскүүргэ чааһынай харабыл тэрилтэлэрэ көхтөөхтүк кыттыахтара.
Ааптар хаартыската.
-
0
-
0
-
0
-
0
-
0
-
0
