Өрөспүүбүлүкэҕэ 7-9 кылаастарга физика, химия, биология учууталлара тиийбэттэрин быһаарарга саҥа үөрэх дьылыттан «Сетевой учуутал» пилотнай бырайыак киириэхтээх. Бу бырайыак чэрчитинэн онлайн уруоктар ыытыллыахтара, үөрэх контена, электроннай учуобунньуктар, видеоматырыйааллар, аудиоуруоктар оҥоһуллуохтара. Үөрэх уонна билим министиэристибэтэ Инновация, сыыппара сайдыытын уонна инфокоммуникационнай технология министиэристибэтин кытары эһиилги сылтан кыра кэмпилиэктээх оскуолалары бу бырайыакка холбуохтаахтар. Ол туһунан үөрэх үлэһиттэрин атырдьах ыйынааҕы сүбэ мунньахтарыгар Ил Дархан Айсен Николаев иһитиннэрдэ.
Өрөспүүбүлүкэҕэ 7-9 кылаастарга физика, химия, биология учууталлара тиийбэттэрин быһаарарга саҥа үөрэх дьылыттан «Сетевой учуутал» пилотнай бырайыак киириэхтээх. Бу бырайыак чэрчитинэн онлайн уруоктар ыытыллыахтара, үөрэх контена, электроннай учуобунньуктар, видеоматырыйааллар, аудиоуруоктар оҥоһуллуохтара. Үөрэх уонна билим министиэристибэтэ Инновация, сыыппара сайдыытын уонна инфокоммуникационнай технология министиэристибэтин кытары эһиилги сылтан кыра кэмпилиэктээх оскуолалары бу бырайыакка холбуохтаахтар. Ол туһунан үөрэх үлэһиттэрин атырдьах ыйынааҕы сүбэ мунньахтарыгар Ил Дархан Айсен Николаев иһитиннэрдэ.
Кэнники аҕыс сылга кыра кэмпилиэктээх оскуолалар ахсааннара 207-тэн 278-ка диэри эбилиннэ, ити оскуола 44 %-а. Бу оскуолаларга кэккэ биридимиэттэри үөрэтэр учууталлар тиийбэттэр, ол хаачыстыбаҕа охсор.
Айсен Николаев салгыы үүнэр көлүөнэни иитэргэ профильнай үөрэхтээһин суолтатыгар тохтоото. Күн бүгүн профильнай кылаастар 432 оскуолаҕа, үөрэх тэрилтэлэрин 70 %-ыгар бааллар. Маннык үөрэх үтүө түмүгэ былырыын политиэхиньиичэскэй оскуолалар профильнай кылаастарын бүтэрбиттэр 82 %-нара инженернэй уонна технологическай идэни талан, үрдүк үөрэххэ уонна кэллиэскэ киирбиттэрэ.
Ону таһынан, Айсен Николаев педагогическай үлэһиттэр статустарын мэктиэлиир саҥа сокуону олоххо киллэрэргэ 100 мөл. солк. итэҕэһэ суох үп көрүллэрин туһунан биллэрдэ.
Хаартыска: Үөрэх уонна билим министиэристибэтэ.
0
0
0
0
0
0
