Издательский дом Редакция Подписка
Погода в Якутске: . 22 oC

Судаарыстыбаннай бэчээт, тэлэбиидэнньэ, араадьыйа тэрилтэлэрин салайааччылара, эрэдээктэрдэрэ “Медиа-Акселератор” бырагырааманан 3 ый устата үөрэниэхтэрэ.

Судаарыстыбаннай бэчээт, тэлэбиидэнньэ, араадьыйа тэрилтэлэрин салайааччылара, эрэдээктэрдэрэ “Медиа-Акселератор” бырагырааманан 3 ый устата үөрэниэхтэрэ.

 Сонуну киэҥник тарҕатар эйгэ үлэһиттэрэ тэтимнээх олоҕу кытта тэҥҥэ хардыылыылларыгар туһаайыллыбыт “Медиа-Акселератор” үөрэҕин СӨ Инновацияҕа, цифровой сайдыыга уонна инфокоммуникационнай технологияларга министиэристибэтэ тэрийэр. Сыала-соруга – судаарыстыбаннай биллэрэр-көрдөрөр сириэстибэлэр таһымнарын үрдэтии, көдьүүстээх буолууларын ситиһии.

692ae247 41aa 4421 b3d4 77f2970704f7 1

Акселерат киэбинэн үөрэх туһата элбэҕин Глобальнай биисинэс оскуолатын  баай уопута туоһулуур. Ол курдук, маннык халыыбынан ИТ-хампаанньалары уһуйаннар, билигин олор информационнай ырыынакка инники күөҥҥэ сылдьаллар.

Бу “Медиа-Акселераторга” биэс хамаанда уһуйуллар: «Сахамедиа», “Сахабэчээт, «Саха» НКИХ, «Кэскил» оҕо бэчээтин кыһата. «Ил Түмэн» издательскай дьиэ. Биирдии бэйэлэригэр ментордары анаатылар.  

  Үс ый устата суруналыыстар сыыппара эйгэтигэр бэйэлэрин тустаах контеннарын сайыннарыы, хамаанданы салайыы, дьон аахпат буолбут кэмигэр ааҕааччылары саҥа ньымаларынан хаһыакка-сурунаалга угуйуу, тираһы элбэтии, аудиторияны кэҥэтии кистэлэҥнэригэр уһуйуллуохтара. Бырагыраама бүтүүтэ хамаандалар бырайыак суруйан көмүскүөхтэрэ. Кыайыылаах барыла тустаах эрэгийиэҥҥэ СМИ эйгэтин сайыннарыыга туһаныллыаҕа.

  Бүгүн “Медиа-Акселератор” бастакы билсиһии түһүмэҕэ буолла. Инновация миниистирэ А.А.Семенов, СӨ Баһылыгын уонна Бырабыыталыстыбатын дьаһалтатын салайааччыта Г.Н. Михайлов, Глобальнай биисинэс оскуолатын дириэктэрэ М.В.Матвеева тыл эттилэр, тугун-ханныгын быһаардылар, “үөрэнээччилэргэ” ситиһиилэри баҕардылар.

55d4e971 4c98 4355 87f5 e97ab8bbc24c

Ол кэннэ хамаандалар бэйэлэрин билиһиннэрэн, анаан оҥорбут презентацияларын кэпсээтилэр.  

844d95e4 fd0e 4de9 8461 18e466b0dc07

 Онон Саха Сирин суруналыыстыката саҥа саҕахтары арыйарыгар кыах үөскээтэ.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением