Ол курдук ыам ыйын 15 күнүттэн Амма, Мэҥэ Хаҥалас, Хаҥалас, Нам, Таатта, Уус Алдан, Чурапчы уонна Дьокуускай куорат, ыам ыйын 18 күнүттэн Үөһээ Бүлүү, Үөһээ Дьааҥы, Бүлүү, Горнай, Ньурба, Өлүөхүмэ, Кэбээйи, Томпо, Уус Майа тыаларыгар баһаартан сэрэхтээх буолар ирдэнэр. Бу кэмҥэ тыаҕа кутаа уоту оттор, былырыыҥҥы оту өттүүр, табааҕы умуруорбакка эрэ быраҕар көҥүллэммэт. Быраабыланы кэһээччилэр административнай уонна холуобунай эппиэккэ тардыллаллар.
Оттон бу күннэргэ РФ ЫБМ Саха өрөспүүбүлүкэтээҕи управлениета иһитиннэрбитинэн, ыам ыйын 19 күнүгэр 5 ойуур баһаара бэлиэтэммит – Амма, Уус Алдан уонна Чурапчы улуустарыгар, умайыы уопсай иэнэ 15 гектарга тэҥнэспит. Баһаары 63 киһи 4 техниканы туһанан умуллара сылдьар.
Бу күннэргэ тустаах биэдэмэстибэ үлэһиттэрэ ойуурга тахсан рейдэ оҥорбуттарын түмүгэр, баһаартан сэрэхтээх буолуу ирдэбилин толорботох 53 киһи административнай эппиэккэ тардыллыбыт.
-
0
-
0
-
0
-
0
-
0
-
0
