Айсен Николаев Нам улууһугар балаһыанньа уустугурбутун, ыалдьар дьон ахсаана элбээбитин туһунан эттэ. “Нам улууһугар ыалдьыбыт киһи ахсаана эмискэ улаатта, ону кытта вируска ылларбыт дьону кытта хантаактаспыт киһи ахсаана элбэх”, -- диэн кини дьиксинэрин биллэрдэ. Ол курдук, Намҥа миэстэтигэр быраастар үлэлииллэр, хас да киһини Дьокуускайга санитарнай авиациянан аҕалбыттар.
Чайыҥдатааҕы сир баайын хостуур учаастакка турбут ыарыы хонтуруолга ылыллан, кыһалҕалаах боппуруос быһаарыллыбыт. 5,5 тыһ. киһини учаастактан таһаарбыттар. “Саха сириттэн төрүттээх вахта үлэһиттэрэ Ленскэйгэ баар обсерваторга харантыыны ааһыахтара”, -- диэн эттэ.
Саха сиригэр уопсайа 914 киһи бу дьаҥҥа ылларбыт, 305 киһи үтүөрбүт, 6 киһи олохтон туораабыт.
-
0
-
0
-
0
-
0
-
0
-
0
