«Арассыыйа Бэдэрээссийэтин төрүт олохтоох хотугу омуктарын бырааптарын мэктиэтин туһунан» федеральнай сокуон 5-с ыстатыйатын 2-с чааһын 3-с пуунугар сөп түбэһиннэрэн, былырыын күһүн төрүт олохтоох хотугу омуктарга, кинилэр холбоһуктарыгар, түөлбэлээн олорор сирдэригэр-уоттарыгар үлэлиир хаһаайыстыбалар уонна биирдилээн дьоннор таһаарбыт хоромньуларын толуйуу Бэрээдэгэ олохтоммута. Ол быһыытынан, хоромньуну толуйуу тустаах хаһаайыстыба (хампаанньа) уонна төрүт олохтоох хотугу омуктар сэбиэттэрин сөбүлэһиилэригэр олоҕуран оҥоһуллара этиллибитэ.
Ил Дархан быйыл олунньуга таһаарбыт дьаһалынан, өрөспүүбүлүкэҕэ маннык сөбүлэһиинин оҥоруу боломуочуйата Ил Дархан иһинэн тэриллибит Төрүт олохтоох хотугу омуктар бэрэстэбиитэллэрин сэбиэтигэр бэриллибитэ. Онон саҥа сокуон барыла үс сокуоҥҥа кэккэ уларытыылары киллэрэр, итиэннэ төрүт олохтоох хотугу омуктар түөлбэлээн олорор сирдэригэр-уоттарыгар үлэлиир бырамыысыланнай хампаанньалары кытары сыһыаны сокуонунан сүрүннүүр сыалтан оҥоһуллубут.
-
0
-
0
-
0
-
0
-
0
-
0
