Тэрээһиҥҥэ Ил Дархан Айсен Николаев, Югра- Ханты-Мансийскай уокурук губернатора Наталья Комарова, Ямало-Ненецкэй уокурук губернатора Дмитрий Артюхов, Ил Түмэн вице-спикерэ Виктор Губарев, Ил Түмэн Сир сыһыаннаһыыларыгар, айылҕа баайыгар уонна экологияҕа сис кэмитиэтин бэрэссэдээтэлэ Сахамин Афанасьев кытыннылар. Саммит Хотугу пуорум толоруулаах дириэктэрэ Владимир Васильев салайыытынан ааста.
Айсен Николаев этэринэн, Хотугу пуорум туруктаах сайдыытыгар биир саамай көхтөөх кыттааччыта Саха Сирэ буолар. Билигин тэрилтэ үлэтин өйөөһүнэ норуоттар уонна эрэгийэннэр икки ардыларынааҕы бииргэ үлэлээһин сүрүн мэхэньиисимэ буолар.
«Саха Сирэ Арассыыйатааҕы Аартыка биир бөдөҥ эрэгийиэнэ буоларынан, быһаарыылаах көҕүлээһиннэри өйүүр уонна Хотугу пуорум бииргэ үлэлээһин тэтимин кэҥэтэргэ тирэҕирэр. Маныаха Арассыыйаҕа бииргэ үлэлээһин хамсааһыннарын хотуттан соҕуруу өттүгэр хайыһыннарар. Билиҥҥи кэмҥэ Хотугу пуорум үлэтэ Аартыка эрэгийиэннэрин глобальнай таһымҥа күүһүрдэр, - диэтэ Саха Сирин аҕа баһылыга.
Саммит кыттыылаахтара Аартыка араас тылларын уонна култууратын, Хотугу сир экологиятын, киһи доруобуйатын, уо.д.а. боппуруостары дьүүллэстилэр. Владимир Васильев инникитин эрэгийиэннэр баһылыктарын кытта түмсэн, норуоттар уонна эрэгийиэннэр икки ардыларынааҕы бииргэ үлэлээһин тыын боппуруостарын дьүүллэһэргэ баҕа санаалааҕын биллэрдэ.
Саммит бүтэһик түһүмэҕэр Хотугу пуорум губернатордарын саммит Декларацията уонна 239 №-дээх резолюцията илии баттаммыта.
-
1
-
0
-
0
-
0
-
0
-
0
