Оройуоҥҥа идэлээх быраастар хас биирдии нэһилиэккэ сылдьан 1600-тэн тахса киһини көрбүттэр. Бу уопсай олохтоохтор ахсааннарын үс гыммыт биирэ. Кэлин маннык үлэ систиэмэлээхтик, тиһигин быспакка ыытыллыаҕа.
Березовка, Өлүөкэ Күөл уонна Налимскай бөһүөлэктэригэр врачебнай амбулаториялар тутуллан үлэҕэ киирбиттэр. Доруобуйа харыстабылын бастакы сүһүөҕүн сайыннарыы бырагырааматынан Орто Халыма Киин балыыһата саҥа чинчийэр малынан уонна суһал көмө массыынатынан хааччыллыбыт.
Олохтоохтор Дьокуускайга диэри чэпчэтиллибит билиэттэри хамаҕатык туһаналлар. Ол курдук, анал тарыыбынан Дьокуускай – Орто Халыма хайысханан билиэт сыаната 13 600 солкуобайга тэҥнэспит (билиэт базовай сыаната – 34 200 солкуобай).
Суолу оҥорор тиэхиникэ ахсаана улаатан, кыһыҥҥы суоллары оҥоруу хаачыстыбата биллэ улааппыт. Холобур, Орто Халыматтан Березовкаҕа диэри суол айаныгар бириэмэ икки төгүл аччаан, 10-12 чаас оннугар 4,5 чааска тэҥнэспит.
- 0
- 0
- 0
- 0
- 0
- 0