Издательский дом Редакция Подписка
Погода в Якутске: . -11 oC

Арассыыйа Федерациятын Бырабыыталыстыбатын Бэрэссэдээтэлэ Михаил Мишустин “Саха сирэ” технопаркаҕа сылдьан, өрөспүүбүлүкэҕэ инфокоммуникационнай технология уонна сибээс сайдыытын таһымын итиэннэ кэлэр кэскилин билистэ.

Арассыыйа Федерациятын Бырабыыталыстыбатын Бэрэссэдээтэлэ Михаил Мишустин “Саха сирэ” технопаркаҕа сылдьан, өрөспүүбүлүкэҕэ инфокоммуникационнай технология уонна сибээс сайдыытын таһымын итиэннэ кэлэр кэскилин билистэ.

Бырайыактары билиһиннэрии сыыппара технологиятын процесстарынан олоҕу-дьаһаҕы сайыннарыыга анаан тэриллибит Сыыппара трансформациятын ыстаабыгар ыытылынна. Күн бүгүн өрөспүүбүлүкэ сыыппара трансформациятын эрэгийиэннээҕи салайааччыларын рейтинигэр 7-с миэстэҕэ сылдьар. Арассыыйа Федерациятыгар Саха сирэ компьютернай оонньуу индустриятын алмааһынан ааттанар. Сахалар оҥорон таһаарбыт оонньуулара аан дойдутааҕы чартарга үгүскэ кыайбыта.

Бэйэлэрин үлэлэрин “Саха сирэ” технопаарка резиденнэрэ көрдөрдүлэр. Мэдиссиинэҕэ сыыппара технологиятын туһаныы – ураты чорботулар сорук буолар, онон Михаил Мишустиҥҥа бастакынан IT-мэдиссиинэҕэ сыһыаннаах бырайыактары көрдөрүлэр.

МИшустин_М._--_3.jpg

«Сайберия» хампаанньа интеллектуальнай радиологическай информационнай ситими (IRIS) оҥорбут. 2020 сыллаахха, пандемия кэмигэр, хампаанньа киһи тыынар уорганын компьютерынан томографиялыырга вируснай пневмония скрининг систиэмэтин оҥорбута билигин араас эрэгийиэннэргэ, 7 эмп тэрилтэтигэр туһанылла сылдьар. 2021 сыллаахха хампаанньа киһи мэйиитин КТ-нан чинчийэн инсульт ыарыы бэлиэлэрин булар бырагыраама модулун оҥорбута тургутууну ааһан, өрөспүүбүлүкэ 16 балыыһатыгар туһаныллар.

Мишустин_М._-2.jpg

«Мондино Технолоджес» хампаанньа нэһилиэнньэни онлайн ситиминэн диспансеризациялыырга уонна онкология, кардиология, офтальмология эйгэтигэр скринин ситимин оҥорбут. Бу ситим ыарыыны саҥа үөскээн эрдэҕинэ булан, диагноз туруорар соруктаах. Хампаанньа рак ыарыы эрдэтээҥи диагностикатын онлайн-бырайыагын өрөспүүбүүкэ 23 балыыһатыгар киллэрбитэ.

«Мин идэм – IT» диэн ыччакка анаммыт идэҕэ туһаайыы бырайыага сэттис сылын үлэлиир, быйылгыттан Уһук Илиҥҥэ тахсыахтаах. Маны таһынан «Extra Cinema» бырайыак презентацияланна.

МИшустин_--_7.jpg

Инновация, цифровой уонна инфокоммуникационнай технологиялары сайыннарыы миниистирэ Анатолий Семенов сыыппара технологиятын киллэриини 100 % ситиһэргэ кытыы нэһилиэктэргэ уонна Арктикаҕа опто-волокно ситимин киллэрэ наадатын тоһоҕолоото. Бырабыыталыстыба Бэрэссэдээтэлэ 2025 сылга диэри Арктика улуустарын кииннэригэр ВОЛС ситимигэр холбууру өйөөтө. Бырайыак федерация, өрөспүүбүлүкэ бүддьүөттэриттэн үбүлэнэн уонна атын инвестордары тардан олоххо киллэриллиэхтээх.

МИшустин_М._--4_1.jpg

Айсен Николаев Нерюнгри оройуонун социальнай-экэнэмиичэскэй сайдыытын туһунан кэпсээтэ. Федеральнай өйөбүлгэ тирэҕирэн, «Южная Якутия» ТОР-га 78,63 млрд. солк. харчы тардыллыбыт, 8 265 үлэ миэстэтэ таһаарыллыбыт. ТОР үлэлиэҕиттэн чохтоох куоракка, 22 сыл кэнниттэн аан бастаан, нэһилиэнньэ ахсаана эбиллэр кирбиигэ киирбит.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23