Куоластааһын быһа барыллаан түмүгэ бүгүн киэһэ биллиэхтээх. Саҥа көннөрүүлэри куоластаабыт киһи баһыйар аҥаара өйүүрүн биллэрдэҕинэ олоххо киириэхтээхтэр.
Владимир Путин куоластааһын кырдьыктаах уонна сокуон хараҕынан барарын ирдээбитэ. Бэрэсидьиэн “дьону күһэйэри, эбэри-сабары, итэҕэстэри-быһаҕастары суох оҥоруҥ” диэн кытаанахтык сорудахтаабыта. Онон куоластааһын ыраастык уонна дьэҥкирдик баран Арассыыйа олохтоохторун дьиҥнээх гражданскай быһаарыныыларын көрдөрүөхтээх.
РФ Киин быыбардыыр хамыыһыйата иһитиннэрбитинэн, куоластааһын саҕаланыаҕыттан биэс күн устата Арассыыйа 49 мөлүйүөн олохтооҕо бэйэтин гражданскай позициятын биллэрбит. Онон дьон кэлиитэ 45,7 %-на тэҥнэспит.
ВЦИОМ ыйытыктара көрдөрбүттэриттэн, куоластааһыҥҥа кыттыбыт киһи уопсай ахсааныттан – 76 %-на “өйүүбүн”, 23,6 % - “утарабын” диэн куоластаабыттар.
-
0
-
0
-
0
-
0
-
0
-
0
