Издательский дом Редакция Подписка
Погода в Якутске: . 17 oC

Сэрэдэттэн, бэс ыйын 10 күнүттэн,  РФ Уһук Илиҥҥи уокуругар Төрүт сокуон уларыйыыларыгар болдьоҕун иннинэ куоластааһын саҕаланна диэн ТАСС иһитиннэрдэ. Үгэс курдук, аан бастакынан ыраах уонна суола-ииһэ суох бөһүөлэктэр олохтоохторо куоластыахтара.

Сэрэдэттэн, бэс ыйын 10 күнүттэн,  РФ Уһук Илиҥҥи уокуругар Төрүт сокуон уларыйыыларыгар болдьоҕун иннинэ куоластааһын саҕаланна диэн ТАСС иһитиннэрдэ. Үгэс курдук, аан бастакынан ыраах уонна суола-ииһэ суох бөһүөлэктэр олохтоохторо куоластыахтара.

Бэс ыйын саҥатыгар дойду бэрэсэдьиэнэ Владимир Путин от ыйын 1 күнүгэр Төрүт сокуон уларыйыыларыгар бүтүн арассыыйатааҕы куоластааһын ыытылларын өйөөбүтэ. Киин быыбардыыр хамыыһыйа куоластааччылар биир сиргэ элбэх буолан тоҕуоруһалларын сэрэтэр туһуттан бигэргэммит күн иннинэ 6 күн иһинэн куоластааһын эрдэ барыан сөбүн көҥүллээбитэ. Ону таһынан, сокуонунан ыраах уонна суола-ииһэ суох нэһилиэнньэлээх пууннар олохтоохторо бигэргэммит күн иннинэ 20 күн иһинэн куоластыыллара көҥүллэнэр, ол аата бэс ыйын 10 күнүттэн куоластаан барыахтарын сөп.

Саха сирин быыбардыыр хамыыһыйатын үлэһиттэрэ вездеходтарынан, мотуордаах тыыларынан, бөртөлүөттэринэн куоластааччыларыгар тиийиэхтэрэ. Маннык ыраах уонна суола-ииһэ суох түөлбэлэргэ үксүн табаһыттар, балыксыттар, метео ыстаансыйалар уонна сир баайын хостуур тэрилтэлэр үлэһиттэрэ олороллор.

– От ыйын 1 күнүгэр диэри 8 тыһ. кэриҥэ киһи куоластыыра былааннанар. Ону барытын 140 учаастактааҕы хамыыһыйа үлэһиттэрэ вездеходунан, мотуордаах тыыларынан, бөртөлүөттэринэн сылдьан хааччыйыахтара, – диэн өрөспүүбүлүкэ киин быыбардыыр хамыыһыйатын бэрэссэдээтэлэ Алексей Ефимов иһитиннэрдэ.

Хамыыһыйа чилиэттэрэ уонна кэтээн көрөөччүлэр дьаҥтан бэйэни көмүскэнэр сириэстэбэлэринэн толору хааччыллыахтара, куоластааһыны санитарнай нуормалары уонна быраабылалары тутуһан туран ыытыахтара диэн быыбардыыр хамыыһыйаҕа бэлиэтээн эттилэр.  

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением