Быһа барыллаан түмүгү таһаарыынан, Аммаҕа элбэх куолаһы ылан, Николай Архипов (бу иннинэ баһылыктаабыта) кыайда. Кини туһатыгар 4827 куолас бэриллибит. Онон утарсааччытын 1256 куолаһынан баһыйда.
Сунтаар улууһугар бу иннинэ баһылыктаан олорбут Анатолий Григорьев уонна Дьокуускайтан сылдьар 33 саастаах Алексей Аржаков кииристилэр. Быһа барыллаан ааҕыынан, 9599 киһи быыбарга кыттыбытыттан 8333 киһи куолаһын Анатолий Григорьев туһатыгар (86,8%) биэрбит.
Хаҥалас улууһун баһылыгын дуоһунаһыгар алта хандьытаат кииристэ. Быһа барыллаан ааҕыынан, Хаҥалас үрдүнэн 10041 киһи быыбарга кыттыбытыттан Олег Иринеевка 5748 киһи куоластаан, кини инники күөҥҥэ таҕыста. Бүтэһиктээх түмүк сарсыарда биллиэҕэ.
-
0
-
0
-
0
-
0
-
0
-
0
