— Төрүт сокуоҥҥа көннөрүүлэри киллэрии барылыгар улахан болҕомто социальнай хайысхаҕа ууруллубут. Ол курдук, үлэ төлөбүрүн алын кээмэйэ (МРОТ) тиийинэн олоруу алын кээмэйиттэн (прожиточный минимум) кыра буолуо суохтааҕын, биэнсийэ, босуобуйа, көмө харчы, онтон да атын социальнай төлөбүрдэр кээмэйдэрэ сыллата булгуччу улаатан иһиэхтээҕин (индексацияланыахтааҕын) туһунан этиллибит. Онуоха судаарыстыба социальнай эппиэтинэһи, эбэһээтэлистибэни сүгэрэ Конституциянан бигэргэнэр.
РФ Төрүт сокуонугар кэккэ уларытыылары киллэрии – билиҥҥи кэм ирдэбилэ. Ол курдук, Төрүт сокуон 68-с уонна 69-с ыстатыйаларын анал балаһыанньалара кэҥээбитэ биһиэхэ, аҕыйах ахсааннаах омуктарга, олус суолталаах. Холобура, бу көннөрүүлэргэ Арассыыйаҕа олорор бары норуоттар төрөөбүт тылларын харыстаан илдьэ сылдьар бырааптара мэктиэлэнэр, тылы үөрэтиигэ, тыл сайдыытыгар туох баар усулуобуйа тэриллэрин туһунан этиллэр. Биһиги омук быһыытынан бырааппыт тыытыллыбат. Норуоттар култуулара судаарыстыбанан өйөнөр уонна көмүскэнэр, омук тылын-өһүн, төрүт үгэһин харыстаан илдьэ сылдьыы мэктиэлэнэр.
Онон тылбыт, култуурабыт туһугар от ыйын 1 күнүгэр куоластыы кэлиэххэйиҥ!
-
0
-
0
-
0
-
0
-
0
-
0
