Издательский дом Редакция Подписка
Погода в Якутске: . 19 oC

Аҕа дойдуну көмүскээччи күнүгэр Ил Түмэн экэнэмиичэскэй,  инвестиционнай уонна бырамыысыланнай бэлиитикэҕэ сис кэмитиэтин бэрэссэдээтэлин солбуйааччы, Сайсары түөлбэтиттэн норуодунай дьокутаат Павел Ксенофонтов бу күн ураты суолтатын туһунан санаатын үллэһиннэ.  

Аҕа дойдуну көмүскээччи күнүгэр Ил Түмэн экэнэмиичэскэй,  инвестиционнай уонна бырамыысыланнай бэлиитикэҕэ сис кэмитиэтин бэрэссэдээтэлин солбуйааччы, Сайсары түөлбэтиттэн норуодунай дьокутаат Павел Ксенофонтов бу күн ураты суолтатын туһунан санаатын үллэһиннэ.  

«Дьокуускай куорат Сайсары түөлбэтиттэн 1400-тан тахса киһи байыаннай эппэрээссийэҕэ ыҥырыллыбыта. Хас биирдии дьиэ кэргэни болҕомтоҕо ылан, хас оҕолоохторун, туох кыһалҕалаахтарын билсэ олоробут. Анал байыаннай дьайыыга сылдьар уолаттарга көмө оҥорорго хас да хайысханан үлэ бара турар, тэрилтэлэр, тус бэйэм да үбүлээһимминэн.

Биһиги бары болҕойон олунньу 21 күнүгэр дойду Аҕа баһылыга Владимир Путин Федеральнай Мунньахха оҥорбут Анал этиитин иһиттибит. Байыаннай дьайыыга сылдьар дьоҥҥо көмөлөһөргө биир пуонда тэриллэрэ, мин санаабар, олус үчүгэй. Ил Дархаммыт Айсен Николаев байыаннай эппэрээссийэ саҕаланыаҕыттан үлэни кииннээн, салайа сылдьар.

Владимир Путин аан дойдуга улахан дьайыылаах этиини оҥордо, Украина уонна Арассыыйа эрэ олохтоохторун таарыйбакка, бүтүн аан дойду кыһалҕата буолла. Арҕаа дойдулар албын-көлдьүн быһыылара урусхаллааһыны аҕалла.

Хас биирдии киһи долгуйар этэ, хомуур салгыы ыытыллар дуо диэн. Бу туһунан этиллибэтэҕэ элбэх дьону уоскутта.

Ону таһынан, хас биирдии киһини хамнас, тутуу, суол-иис, олохтоох бэйэни салайыныы долгутар. Байыаннай дьайыыттан сылтаан тохтуур дуо диэн ыйытыкка эмиэ хоруйдаата, быһаарыллыбыт үбүлээһин көрүллэн, дьиэ-уот, суол-иис тутуута, социальнай хайысханан гааһы киллэрии салҕанан барыа.

Итиниэхэ олоҕуран, дьон-сэргэ долгуйуута аччаата, онон экэниэмикэ араас хайысхаларынан хамсааһын тахсан, олохпут уйгута салгыы сайдан барыа.

Биһиги Аҕа дойдуну көмүскээччилэр күннэрин урукку дьыллары кытта тэҥнээтэххэ, уратытык ылан эрэбит. Ааспыт сылга диэри хас биирдии эр киһини эҕэрдэлиир этибит, билигин сүрүннээн инники күөҥҥэ сылдьар ыччаттарбытын эҕэрдэлиибит. Үгүс тэрилтэлэр ас тардан бырааһынньыктыыр үгэстэрин тохтоттулар, туох баар үбүлээһини инники кирбиигэ киирсэ сылдьар ыччаттарбытыгар, кинилэр дьиэ кэргэннэригэр ыытабыт», — диэн эттэ Павел Ксенофонтов. 

Инники кирбиигэ сылдьар буойуннарбытын Аҕа дойдуну көмүскээччи күнүнэн итиитик-истиҥник эҕэрдэлиибит! Саалаахтан самнымаҥ, охтоохтон охтумаҥ, чэгиэн-чэбдик, чөл туруктаах, кыайыы кынаттаах, өрөгөй аргыстаах дьиэҕитигэр этэҥҥэ эргиллэн кэлээриҥ! 

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Түһүлгэ

Сайыммыт ортолоото

Биллибэтинэн эбиллэр түүн, көстүбэтинэн көҕүрүүр күнүс тохтоло суох айаннаан, сынньалаҥа…
20.07.24 13:15
Общество

Будни мамы четверых детей

Каково же это – быть многодетной мамой? Как все успевать и где черпать силы? На все эти…
20.07.24 09:22