Дойдуга сокуону оҥорооччулар Сэбиэтин мунньаҕа Москубаҕа муус устар 25 күнүгэр ыытыллыаҕа. Итиэннэ муус устар 26-27 күннэригэр Санкт-Петербург куоракка Таврическай дыбарыаска эбии тэрээһиннэр ыытыллаллара былааннаналлар.
Госдума Бэрэссэдээтэлин солбуйааччы Ирина Яровая иһитиннэрбитинэн, сүбэ мунньахха маннык тиэмэлэр дьүүллэһиллиэхтэрэ:
- мэдиссиинэ көмөтүн хаачыстыбата уонна табыгастаах буолуута: эрэгийиэннэр саҥа кыахтара уонна быһаарыылара;
- «Профессионалитет» федеральнай бырайыагы олоххо киллэрии: электроннай бырамыысыланнаска каадыры бэлэмнээһин, робототиэхиньикэ индустрията, массыына оҥороон таһаарыыта, о.д.а. экэниэмикэ тутаах салаалара;
Бары боппуруостарынан мунньахха кыттыыны туһааннаах министиэристибэлэр ылыахтара. Ону тэҥэ оробуочай көрсүһүү сорҕото прикладной уонна информационнай хайысхалаах буолара былааннанар. Быраактыка чааһын Ппрезидиумун сүрүн тиэмэтэ – «Эрэгийиэннэринэн тус сыаллаах хомуур: «Үөрэххэ киирии» уонна «Арассыыйаҕа үлэ» цифровой платформалары туһаммат буолуута.
Ону тэҥэ Госдума спикерэ Вячеслав Володин мунньах кыттыылаахтарыгар Сэбиэт бэбиэскэтин билиһиннэрдэ:
- Анал байыаннай эпэрээссийэ кыттыылаахтарыгар уонна дьиэ кэргэттэригэр социальнай өйөбүллэр туһунан. РФ Бэрэсидьиэнэ Владимир Путин олунньу 21 күнүнээҕи Федеральнай Мунньахха туһайаан этиитин сорудаҕын олоххо киллэрии;
- Бүддьүөттэр икки ардыларынааҕы сыһыаннаһыылар туруктара уонна үп-харчы өттүнэн туруктаах буолууларыгар социальнай-экэнэмиичэскэй сайдыыларын аныгы усулуобуйаҕа саҥа ньыма быһыытынан туһаныы.
Маны таһынан муус устар 20 күнүгэр дойду Киин баанын бэрэссэдээтэлин отчуота буолара былааннанар, онно эрэгийиэн парламеннарын бэрэссэдээттэлэрэ видео-сибээһинэн эмиэ кыттыыны ылыахтарын сөп. Салгыы Госдума спикерэ сокуоннай саастарын ситэ илик оҕолорго вейптэри атыылааһыны бобор туһунан саҥа ылыныллыбыт сокуон барылыгар болҕомтотун уурда. Инникитин бу сокуону кэһээччилэргэ буруйдааһын дьаһалын регламена оҥоһуллуоҕа.
- Бу сыл устата вейптарга акцизтары үрдэтэр туһунан сокуон барылын оҥорон, Госдумаҕа ылынарга этиилээх тахсыахпыт, оччотугар атыытын эргиниитэ түһүө этэ, - диэн Вячеслав Володин эттэ.
-
0
-
0
-
0
-
0
-
0
-
0
