2023 сылга ыччат бэлиитикэтин, патриотическай иитии уонна гражданскай уопсастыба институттарын сайыннарыы эйгэтигэр бастыҥ үлэлээх ыччат тэрилтэлэрин, салайааччыларын уонна исписэлиистэрин ортолоругар 10 номинация кыайыылаахтара билиннилэр.
«Сыл лиидэринэн» ХИФУ Арассыыйа хотугулуу-илиҥҥи норуоттарын тылларын уонна култуураларын институтун иккис куурсун студентката, «Хоту дойду алмаастара» волонтерскай киин бэрэссэдэтээлин солбуйааччыта Намыына Прокопьева ааттанна.
«Сыл бастыҥ уопсастыбаннай тэрилтэтэ» — Саха Сирин норуоттарын Ыччатын Ассамблеята, «Сыл социальнай бырайыага» — «Мин спорду кытта үүнэбин» коммерческайа суох тэрилтэ, «Сыл мецената» — «Полоскун» экомаҕаhыын, «Уокуруктар уонна куорат уокуруктарын ыччатын бастыҥ сэбиэтэ» — Хатас нэhилиэгин сэбиэтэ, орто анал үѳрэх кыhаларын ортолоругар «Сыл бастыҥ студенческай тэрилтэтэ» — Дьокуускайдааҕы медколледж студенческай сэбиэтэ буоллулар.
«Гражданскай уопсастыба инситуттарын сайыннарыыга бастыҥ муниципальнай оройуон, куораттааҕы уокурук» номинацияҕа бастакы категорияҕа Абый улууhа, иккис категорияҕа — Амма улууhа, үhүс категорияҕа — Мэҥэ Хаҥалас улууhа кыайдылар.
«Ыччат бэлиитикэтин уонна патриотическай иитии эйгэтигэр бастыҥ муниципальнай оройуон, куораттааҕы уокурук» номинация наҕараадаларын Ил Түмэн дьокутаата Георгий Балакшин туттарда. Бастакы категорияҕа бастыҥ аатын Анаабыр улууhа, иккискэ — Чурапчы улууhа, үhүскэ — Ньурба улууhа ыллылар.
«Сыл кѳҥү кѳтүүтэ» номинация «Эдэр карбышевецтар» уопсастыбаннай хамсааhын ѳрѳспүүбүлүкэтээҕи ыстаабыгар тигистэ.
2023 сыл бастыҥ ыччат уопсастыбаннай тэрилтэлэринэн волонтердары кытта үлэ Киинэ уонна ZEMA улуустардааҕы ыччат тэрилтэлэрин холбоhуга буоллулар.
СИА хаартыската туhанылынна.
-
2
-
0
-
0
-
0
-
0
-
0
