Издательский дом Редакция Подписка
Погода в Якутске: . 4 oC

Арассыыйа Бэрэсидьиэнэ Владимир Путин Федеральнай Мунньахха Туһаайан этиитигэр Арассыыйа алта сыллаах сайдыытын Бырагырааматын иһиттибит.

Арассыыйа Бэрэсидьиэнэ Владимир Путин Федеральнай Мунньахха Туһаайан этиитигэр Арассыыйа алта сыллаах сайдыытын Бырагырааматын иһиттибит.

Ил Түмэн Сиргэ сыһыаннаһыыга, айылҕа ресурсаларыгар уонна экологияҕа сис кэмитиэтин бэрэссэдээтэлэ Андрей Находкин Туһаайан этии туһунан маннык эттэ:

– Дойду Баһылыга этиитин дьиэ кэргэни өйөөһүнтэн саҕалаата. Уонна түмүгэр: «Биһиги бары биир улахан дьиэ кэргэн буолабыт!» – диэтэ. Бу -- дириҥ ис хоһоонноох этии!

Владимир Путин икки чаастан ордук кэм устата 2023 сылга диэри туох үлэ ыытыллыахтааҕын, ханнык хайысхаларынан өйөбүл оҥоһуллуохтааҕын этэ, онуоха болҕомто бастатан туран дойду хас биирдии олохтооҕор, дьиэ кэргэҥҥэ туһуланарын өссө төгүл бигэргэттэ. Саамай сүрүнэ -- биһиги Арассыыйа диэн ааттаах улахан дьиэ кэргэммит сайдыы суолугар үктэммитин, үгэс буолбут сыаннастар өрө тутуллалларын уонна анал байыаннай дьайыыга сылдьар биир дойдулаахтарбытыттан инники кэскилбит быһаччы тутулуктааҕын туһунан эппитэ барыбытын долгутта, сүргэбитин көтөхтө.

Путин_2.jpeg

Экология тыын суолталаах боппуруостарын тумнубата. 2030 сылга диэри бу хайысханан ыытылар үлэ стратегиятын иһитиннэрдэ. Ону толорорго уу эбийиэктэрин чэбдигирдии федеральнай бырайыага үлэлиэҕэ, бу бырайыакка биһиги Өлүөнэ өрүс тардыытын чэбдигирдии дьаһаллара киирэллэригэр бары күүспүтүн ууруохпут. «Ыраас уу» национальнай бырайыагынан үлэ салгыы ыытыллыаҕа, нэһилиэнньэни үчүгэй хаачыстыбалаах иһэр уунан хааччыйар дьаһаллар ылыллыахтара. Көҥүлэ суох сыбаалкалар, тобоҕу-ибэҕи мунньар полигоннар, тулалыыр эйгэҕэ, киһи-сүөһү доруобуйатыгар кутталы үөскэтэр эбийиэктэр суох оҥоһуллуохтара. Тобоҕу суортаан, иккистээн туһаҕа таһаарыы технологията киллэриллиэҕэ.

Путин_зал.jpeg

Владимир Путин маһы көҥүлэ суох кэрдиини утары охсуһууну күүһүрдэр, тыаны чөлүгэр түһэрии үлэтин салгыыр туһунан эмиэ эттэ. «2021 сылтан саҕалаан Арассыыйаҕа кэрдиллибиттээҕэр быдан элбэх мас олордуллар», -- диэтэ! Ойуур хаһаайыстыбатын үлэһиттэрин, метеорологтар уонна экологтар хамнастарын үрдэтэргэ эттэ.  Сорук дьэҥкэ: чугастааҕы сылларга экологияҕа уонна айылҕа харыстабылыгар сыһыаннаах бырайыактары олоххо киллэриигэ тирэх буолар пуонда тэриллиэҕэ, ураты харыстанар сирдэргэ экологическай туризм сайдыаҕа, онуоха аныгы ирдэбилгэ сөп түбэһэр инфраструктура оҥоһуллуоҕа. 

Хаартыскалар  Арассыыйа Федерациятын Бэрэсидьиэнин сайтыттан 

 

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением